Bas prokýror bızneske zańsyz tekserýler taǵaıyndaǵan memorgandardy atady
«Bas prokýratýra «Atameken» Ulttyq kásipkerler palatasymen birlese otyryp, eki jol kartasyn iske asyrdy jáne negizgi baǵyttar boıynsha 200-ge jýyq shara ótkizdi. Bıznes sýbektilerin tekserýlerdiń júıeli túrde qysqarýy ákimshilik qysymnyń azaıǵanyn kórsetedi. Buǵan kóbinese josparly tekserýlerden bas tartý jáne kásipkerlerdiń qyzmetine túrli talaptardy 60 paıyzǵa azaıtý arqyly qol jetkizildi», - dep toqtaldy Q. Qojamjarov.
Sonymen qatar ol zańsyz tekserýler bir jarym esege azaıǵanyn atap ótti. Negizinen ondaı tekserýlerdi TJ, qoǵamdyq densaýlyqty qorǵaý, sáýlettik qadaǵalaý, eńbek jáne jer ınspektsııasy organdary taǵaıyndap keldi. Osy oraıda zańsyz aralasý jaǵdaılarynyń aldyn alý úshin prokýratýra organdary tekserýlerdiń avtomattandyrylǵan aqparattyq júıesin, ıaǵnı Tekserý sýbektileri men obektilerdiń biryńǵaı tizilimin iske qosty. Bul óz kezeginde táýekelderdi baǵalaý arqyly zańsyz tekserýlerdiń taǵaıyndalýyn boldyrmaıdy jáne baqylaý nysanyn adamnyń qatysýynsyz derbes aıqyndaıdy.
«Repressıvtigin azaıtý men kásipkerlerdi qylmystyq protseske negizsiz tartýǵa jol bermeý maqsatynda ekonomıkalyq qylmystardy izgilendirýdiń eki kezeńi júrgizildi. 23-bap boıynsha qylmystyq jazalardyń mólsheri azaıtyldy, olardyń balama túrleri engizildi. Bıznes sýbektilerin sotqa deıin qamaýǵa alýǵa tyıym salý belgilendi jáne zalaldy ótegen kezde olardy qylmystyq jaýaptylyqtan bosatý qarastyrylǵan. Nátıjesinde, ekonomıkalyq qylmystar boıynsha tergep-tekserilgen ister bes esege azaıdy. Eger 2015 jyly 8 957 qylmystyq is bolsa, 2018 jyly bul kórsetkish 1 744-ti qurady», - dedi Bas prokýror.
Onyń sózine qaraǵanda, qazirgi kezde Memleket basshysynyń tapsyrmasy boıynsha Bas prokýratýra ekonomıka salasyndaǵy quqyq buzýshylyqtardy odan ary qaraı izgilendirý turǵysynda túzetýlerdiń jańa blogyn ázirledi.
Forýmdy Bas prokýratýra men Ulttyq kásipkerler palatasy uıymdastyrdy. Sharaǵa Parlament depýtattary, Prezıdent Ákimshiliginiń, Úkimettiń, bıznes qaýymdastyqtyń ókilderi qatysýda.
