Bas prokýror balalardyń jol apatynan qorǵalmaǵanyna alańdaýshylyq bildirdi

ASTANA. KAZINFORM — Qazaqstannyń Bas prokýrory Berik Asylov balalardyń jol qozǵalysyndaǵy qaýipsizdigine alańdaýshylyq bildirdi. Ol bul máseleni X (Twitter) paraqshasynda qozǵady. 

«Oblys prokýrorlarymen birge jol qozǵalysy salasyndaǵy balalarymyzdyń qaýipsizdigin qamtamasyz etý máselelerin talqyladyq. Sońǵy ýaqytta elimizde jol apaty saldarynan kóptegen balalar qaza bolyp, jaraqat aldy» dep jazady Berik Asylov.

Onyń aıtýynsha, bul — eresekterdiń, ata-analardyń jáne basqa da jaýapty tulǵalardyń jol qozǵalysy erejelerine degen qajetti kózqarasynyń joqtyǵynyń nátıjesi.

«Qaramaǵymdaǵy qyzmetterge beıindi mınıstrliktermen birlesip JKO-nyń aldyn alýǵa baǵyttalǵan is-sharalar keshenin keńeıtýdi tapsyrdym» deıdi Bas prokýror.