Bas prokýror A. Daýylbaevtyń tóraǵalyǵymen kadrlyq saıasat máselesine arnalǵan alqa májilisi ótti
Bul týraly BP-nyń baspasóz qyzmetinen habarlady.
Alqanyń jumysy beıne-konferentsbaılanys arqyly aýmaqtyq prokýrorlardyń qatysýymen ótkizildi.
Otyrysta aıtylyp ótkendeı, joǵary bilikti kadr quramyn qalyptastyrý prokýratýra organdarynyń aldyna qoıylǵan mańyzdy mindetterdiń biri bolyp tabylady. Tutastaı alǵanda prokýratýra organdarynyń qyzmetiniń tıimdiligi qyzmetkerlerdiń kásibıligi men biliktiligine, olardyń iskerlik jáne moraldyq qasıetterine, kadrlyq jumystardy uıymdastyrý deńgeıine baılanysty bolady. Sondyqtan, kadrlardy irikteý men ornyqtyrý, qyzmetkerlerdiń biliktiligin arttyrý, sapaly rezervti qalyptastyrý, basshylardyń jaýapkershiligin kúsheıtý, jeke quram arasynda quqyq buzýshylyqtyń aldyn-alý jónindegi ózekti máseleler turaqty baqylaýǵa alynǵan.
«Qazaqstan-2050» Strategııasy qalyptasqan memlekettiń jańa saıası baǵyty» atty Prezıdent Joldaýyna sáıkes, jańa ekonomıkalyq saıasattyń tabysty bolýynyń basty sharty retinde basqarýshylyq resýrsty jetildirý, memlekettik sektorda korporatıvtik basqarýdyń jáne menedjmenttiń zamanaýı qaǵıdalary men tetigin engizý qajettigi belgilengen. Memlekettilikti odan ári nyǵaıtý maqsatynda memlekettik basqarýdyń jańa túrin qalyptastyrý tapsyryldy, ol qoǵamǵa qyzmet etýdiń jáne memlekettilikti nyǵaıtýdyń jańa mindetterine jaýap berýge tıis.
Osyǵan baılanysty prokýratýra organdaryndaǵy kadrlyq saıasattyń basymdyq baǵyttary bolyp mynalar belgilendi: prokýratýra organdaryn odan ári jańartý boıynsha júıeli jumystar júrgizý, kadrlyq áleýetti qalyptastyrý men nyǵaıtý, ózderiniń moraldyq jáne iskerlik qasıetteri boıynsha zańdylyq pen quqyqtyq tártipti nyǵaıtý jumystaryn tabysty oryndaýǵa qabileti bar bilikti mamandardy prokýratýra organdaryna qyzmetke qabyldaý.
Sondaı-aq, Memleket basshysynyń Joldaýyn iske asyrý jónindegi Jalpyulttyq is-qımyldar josparyn júzege asyrý aıasynda, qazirgi ýaqytta Bas prokýratýra Quqyq qorǵaý organdarynyń kadrlyq saıasaty máselesi boıynsha Prezıdent janynda turaqty jumys isteıtin komıssııany qurý jóninde Memleket basshysynyń Jarlyǵynyń jobasyn ázirledi, oǵan qosa Quqyq qorǵaý organdarynyń kadrlyq saıasatynyń Tujyrymdamasyn ázirleýge baılanysty jumystar júrgizilýde.
Talqylaýdyń nátıjesi boıynsha kadrlyq jumystardy uıymdastyrýdy jetildirýge baılanysty naqty sharalar qoldaný, qyzmetkerlerdiń qyzmetin baǵalaýdyń ozyq ólshemderin engizý, prokýratýra organdarynyń uıymdastyrýshylyq-shtattyq qurylymyn qalyptastyrýǵa biryńǵaı ustanymmen jumys júrgizý qajettigi usynyldy.
