Bas prokýror: 11 aıda 200 myń azamattyń áleýmettik quqyǵyn qalpyna keltirdik
ASTANA. KAZINFORM – Bas prokýror Berik Asylov 2025 jyldyń 11 aıynda prokýratýra organdary shamamen 200 myń azamattyń áleýmettik quqyǵyn qalpyna keltirgenin málim etti.
Onyń aıtýyna qaraǵanda, jyl basynan beri prokýrorlar memleketke keltirilgen 1 trıllıon teńgeden astamy zııandy ótetip, 215 mlrd teńgeniń bıýdjet shyǵynyna jol bermegen.
- Sot salasynda myńǵa jýyq adamnyń ústinen shyǵarylǵan aktiler zań talaptaryna sáıkestendirilip, sottalǵan 150 adamnyń jaǵdaıy jaqsartyldy. Ákimshilik ister jáne ákimshilik quqyq buzýshylyqtar boıynsha shamamen 3 myń sot aktisi túzetildi. Memleket basshysynyń tapsyrmalaryn oryndaý aıasynda ınvestıtsııalyq jobalarǵa quqyqtyq súıemeldeý qamtamasyz etildi. Prokýrorlar tarapynan 2 myńǵa jýyq ınvestorǵa qoldaý kórsetildi, - dedi Berik Asylov.
Buǵan deıin prokýratýra jeke sot oryndaýshylarynyń jasyrǵan tabysyn anyqtap, qosymsha salyq óndirgenin jazǵan edik.