Bas prokýratýranyń usynysy boıynsha ІІM qylmystyq-atqarý zańnamasyn buzýshylyqtardy joıý boıynsha sharalar qabyldady
ASTANA. 25 qazan. QazAqparat - Bas prokýratýra Іshki ister mınıstrligi Qylmystyq atqarý júıesi komıtetiniń mekemelerindegi 2010 jyl jáne 2011 jyldyń 6 aıyndaǵy rejımdi saqtaýdyń jáne tyıym salynǵan zattardy jetkizý arnalaryna tosqaýyl qoıý boıynsha qabyldap otyrǵan sharalary tıimdiliginiń jaı-kúıine taldaý júrgizdi, dep habarlady vedomstvonyń baspasóz qyzmeti.
Taldaý barysynda qylmystyq atqarý júıesiniń bólimsheleri qyzmetinde birqatar kemshilikter anyqtaldy.
Osyǵan baılanysty Bas prokýror Іshki ister mınıstriniń atyna anyqtalǵan zań buzýshylyqtardy joıý jáne kináli laýazymdy tulǵalardy tártiptik jaýapkershilikke tartýdy talap etip, usynys engizdi.
Іshki ister mınıstrligi Bas prokýrordyń usynysyn qaraý nátıjesinde buzýshylyqtardy jáne solarǵa sebepshi bolǵan sharttardy joıý, olarǵa aldaǵy ýaqytta jol bermeýge arnalǵan uıymdastyrýshylyq sıpattaǵy sharalar qabyldady.
Qylmystyq-atqarý zańnamasynyń talaptaryn buzýǵa jol bergen qylmystyq atqarý júıesiniń 58 basshysy men olardyń qyzmetkerlerine tártiptik sharalar qoldanyldy.
