Bas prokýratýranyń talaby boıynsha Qazaqstanda 15 sheteldik uıym terrorıstik dep tanyldy

  Búgin Parlament Májilisinde ótken konferentsııa barysynda sóz sóılegen QR Bas prokýrorynyń birinshi orynbasary Iogan Merkel osylaı málim etti.

«Biz ýákiletti memlekettik organdarmen jáne sheteldegi áriptesterimizben birlese otyryp ekstremıstik sıpattaǵy uıymdardyń jolyn kesý jónindegi jumysty turaqty negizde júrgizip kelemiz. Osyǵan oraı, Bas prokýratýranyń talap etýi boıynsha alǵash ret 2004 jyly Joǵarǵy sot Qazaqstanda  halyqaralyq terrorıstik áreketterge qatysy bar delingen 4 uıymnyń jumysyn joıdy. Atap aıtqanda, álgi uıymdar «Ál-Kaıdamen», «Shyǵys Túrkistannyń ıslam partııasymen», «Kúrd halyq kongresimen», «Ózbekstan ıslam qozǵalysymen» baılanysy bar bolǵany anyqtalǵan», - dedi I.Merkel.

Onyń aıtýynsha, terrorıstik dep tanylǵan uıymdar negizinen dinaralyq alaýyzdyqty órshitýdi nasıhattap, adam urlaýmen aınalysqan.