Bas prokýratýranyń «Qylmystylyq kartasy» ınteraktıvtik júıesi Máskeýde ótken halyqaralyq konferentsııada jeńimpaz dep tanyldy

ASTANA. 24 qazan. QazAqparat - Máskeý qalasynda ótken Reseı men TMD elderiniń ESRI paıdalanýshylarynyń halyqaralyq konferentsııasynda Qazaqstan Respýblıkasynyń Bas prokýratýrasy Quqyqtyq statıstıka jáne arnaıy esepke alý jónindegi komıtetiniń «Qylmystylyq kartasy» ınteraktıvtik júıesi «Qoljetimdi Veb-geoınformatsııalyq júıe» nomınatsııasy boıynsha veb-qosymshalar konkýrsynda jeńimpaz dep tanyldy, dep habarlady vedomstvonyń baspasóz qyzmetinen.

Quqyqtyq statıstıka jáne arnaıy esepke alý jónindegi komıtetiniń vedomstvolyq saıtynda (service.pravstat.kz) jasalǵan «Qylmystylyqtyń ınteraktıvtik kartasy» veb-qosymshasy táýlik boıy ár kóshe men úıge deıingi meken-jaılarda jasalǵan barlyq qylmystardy kórsetip turady.

Kez kelgen azamat ózine kerekti radıýsty kórsetip aqparat servısine qosylsa, onyń elektrondy adresine sol jerde jasalǵan qylmys týraly derekter dereý túsetin bolady.

Sol sııaqty Komıtet saıtynda jol-kólik oqıǵalary qartasy da bar. JKO esepke alý málimetteri endi ol oryn alǵan trassa, eldi meken, jol men kósheleri kórsetilgen qartada kórinip turady. JKO saldarynan qaıtys bolǵan nemese jaralanǵandar týraly málimetterdi de osy jerden alýǵa bolady.

Bul Quqyqtyq statıstıka jáne arnaıy esepke alý jónindegi komıtetiniń aqparattyq tehnologııalardy damytý jáne engizý salasynda alyp otyrǵan birinshi marapaty emes. 2009 jyly QSjAEK aqparattyq júıesiniń arqasynda Qazaqstan Respýblıkasynyń Úkimeti Bas prokýratýrany eń úzdik elektrondy memlekettik organ den tanyǵan edi.

Al 2013 jylǵy 21-22 mamyrda ótken V1 Astana ekonomıkalyq forýmy aıasyndaǵy «ASTEX-2013» ınfokommýnıkatsııalyq tehnologııalardyń kórme-konferentsııasynda Komıtettiń aqparattandyrý jáne aqparattyq qaýipsizdik bóliminiń bastyǵy Erádil Ahmetov «Quqyq qorǵaý organdaryndaǵy úzdik IT menedjer» ataǵyn alǵan bolatyn.