Bas prokýratýranyń bastamasymen 41 adam aqtaldy

NUR-SULTAN. QazAqparat - Bas prokýratýrada ótken brıfıng - 2019 jylǵy jumys qorytyndylary men prokýratýra organdarynyń negizgi fýnktsııalaryna, joǵary qadaǵalaýdyń mańyzdylyǵyna arnaldy, dep habarlaıdy QazAqparat.

Bas prokýratýranyń resmı ókili Oksana Peters málim etkendeı, ótken jyly anyqtalǵan buzýshylyqtar boıynsha ártúrli jaýaptylyqqa 19 myń adam tartyldy. Memleketke 32 mlrd teńge qaıtarylǵan. Prokýrorlardyń qoldaýhattary men narazylyqtary boıynsha azamattyq jáne ákimshilik ister boıynsha 1025 sot aktileriniń kúshi joıyldy jáne ózgertildi.

Brıfıngte múgedekterdiń, onyń ishinde múmkindigi shekteýli balalardyń quqyqtary qalaı saqtalatyny aıtyldy.

«7 myń múgedekten 90 mln. teńgege zańsyz salyq ustap qalý faktileri oryn alǵan. Uzaq ýaqyttan beri múgedek balalardy oqytatyn mektepterdiń 30 myńnan astam muǵalimine - zań boıynsha tıesili 40% paıyz mólsherinde ústemeaqy tólenbeı kelgen. Bizdiń aralasýymyzdan keıin qazir bul tólemder iske asyrylýda»,- dedi Oksana Peters.

Bas Prokýrordyń Nusqaýy boıynsha balalarǵa qarsy qylmystar men zorlaý qylmystaryn tergep-tekserýge jáne ashýǵa mamandanǵan 96 jedel tergeý toby quryldy. Olardyń quramynda tájirıbeli tergeýshi jáne prokýror áıelder bar. Mundaı isterdi tergep-tekserý ádistemesi ázirlengen. Nátıjesinde jynystyq qylmystardy tergep-tekserý tıimdiligi 42% ósti.

Qazaqstandyq jáne sheteldik jumyskerler arasynda eńbekaqy tóleýdegi tepe-teńsizdiktiń 500 –ge jýyq faktisi anyqtalǵan. Barlyq zań buzýshylyqtar boıynsha tıisti sharalar qabyldanǵan.

Ótken jyly prokýrorlar qyzmettik úı-jaılardan 752 adamdy bosatty. 295 adamdy negizsiz qýdalaýdy toqtatqan. Tergep-tekserýdi toqtatý jáne merzimderin úzý týraly 16 myńnan astam qaýlynyń kúshi joıylǵan.

Prokýrorlardyń sharalary boıynsha bir jarym myńdaı azamatqa qatysty úkimder qaıta qaraldy.

Bul rette 572 sottalǵan adamnyń jaǵdaıy jaqsardy, ıaǵnı olardyń jazasy men aıyptaý kólemi tómendetildi. Bas prokýratýranyń bastamasymen 41 adam aqtalǵan.