Bas prokýratýranyń alıment qoryn qurý týraly usynysy áli talqylanýda - aptalyq brıfıng
ASTANA. Qarashanyń 26-sy. QazAqparat /Aıdar Ospanalıev/ - «Bas prokýratýra alıment qoryn qurý jónindegi óziniń usynysyna Úkimetten jaýap alǵan joq», dep málimdedi búgin Bas prokýratýranyń resmı ókili Nurdáýlet Súıindikov jýrnalıstermen bolǵan brıfıngte,
dep habarlaıdy QazAqparat.
Onyń sózine qaraǵanda, Bas prokýratýranyń bul usynysy quzyrly mınıstrlikter men ózge de birqatar organdar tarapynan talqylanýda.
«Memlekettik alıment qoryn qurý elimizdegi birqatar zańnamalyq aktilerge ózgerister men tolyqtyrýlar engizýdi qajet etedi. Sonymen qatar oǵan memleket bıýdjetinen birshama qarjy qajet bolady. Sondyqtan biz bul máseleni jaqyn kúnderde sheshile salady dep oılamaımyz. Bul baǵytta qandaı da bir jaǵymdy jańalyq bolǵan jaǵdaıda, ol jóninde biz mindetti túrde habarlaıtyn bolamyz», dedi N.Súıindikov.
