Bas prokýratýranyń 200-den astam qyzmetkeri qalany abattandyrýǵa úles qosty
ASTANA. Sáýirdiń 24-i. QazAqparat - Búgin Astanada Qazaqstan Respýblıkasy Bas prokýratýrasynyń qyzmetkerleri jalpyqalalyq senbilik aıasynda Prıgorodnyı eldi mekenine jaqyn halyqaralyq áýejaı tas jolynyń aýmaǵyna qystan qalǵan qoqystardy tazartýǵa jáne jasyldandyrýǵa shyqty, dep habarlady QR Bas prokýratýrasynyń baspasóz qyzmeti.
Osy qoǵamdyq aktsııaǵa ortalyq apparattyń ártúrli deńgeıdegi 200-den astam qyzmetkerleri qatysyp, birneshe myń sharshy metrlik aýmaqtyń tazalyǵyn qamtamasyz etti.
Astananyń halyqaralyq áýejaıyna aparatyn tas jolyna erekshe kóńil bólinedi, sebebi resmı jáne týrıstik saparmen elordaǵa keletin azamattar men sheteldik qonaqtar kóbinese qala ınfraqurylymynyń sapasyn osy jolmen ótip bara jatqanda baǵalaıdy.
Prokýratýra organdary óńirdegi ekologııalyq jaǵdaıdy jaqsartatyn jáne elimizdiń eldi mekenderinde tazalyqty qamtamasyz etýge baǵyttalǵan osyndaı aktsııalarǵa jan-jaqty qoldaý kórsetýde.
