Bas prokýratýranyń Aktıvterdi qaıtarý jónindegi qyzmetiniń bastyǵy aýysty

ASTANA. KAZINFORM — Bas prokýrordyń buıryǵymen aǵa ádilet keńesshisi Nurdáýlet Súıindikov Bas prokýratýranyń Aktıvterdi qaıtarý jónindegi qyzmetiniń bastyǵy laýazymyna taǵaıyndaldy, dep habarlaıdy vedomstvonyń baspasóz qyzmeti.

Nurdáýlet Myqtybekuly eńbek jolyn Ońtústik Qazaqstan oblysy Arys aýdany prokýrorynyń aǵa kómekshisi retinde bastaǵan. 

Ár jyldary Bas prokýratýranyń bólim bastyǵy, Bas prokýrordyń asa mańyzdy tapsyrmalar jónindegi aǵa kómekshisi, Departament bastyǵynyń orynbasary — Bas prokýratýranyń resmı ókili, Astana qalasy Saryarqa aýdanynyń prokýrory, Aqtóbe oblysy prokýrorynyń birinshi orynbasary, Startegııalyq damý departamentiniń bastyǵy, Halyqaralyq-quqyqtyq yntymaqtastyq qyzmetiniń bastyǵy boldy.

Keıingi eki jyl Aktıvterdi qaıtarý komıtetiniń tóraǵasy laýazymynda qyzmet istedi.

Qyzmettegi joǵary jetistikteri úshin Baýyrjan Momyshuly atyndaǵy ІІ dárejeli «Aıbyn» ordenimen nagradtalǵan. 

Buǵan deıin Erlan Ótegenov bas prokýrordyń orynbasary laýazymyna taǵaıyndalǵanyn jazǵan edik.