Bas prokýratýradaǵy keńeste Almaty qalasy, OQO jáne Jambyl oblystary quqyq qorǵaý jáne arnaıy organdarynyń uıymdasqan qylmyspen kúrestegi yntymaqtastyǵy talqylandy
ASTANA. Naýryzdyń 12-si. QazAqparat - Búgin QR Bas prokýrorynyń birinshi orynbasary Iogan Merkeldiń tóraǵalyǵymen vedomstvoaralyq jedel keńes ótti.
Bas prokýratýranyń baspasóz qyzmetiniń habarlaýynsha, keńeste Almaty qalasy, Ońtústik Qazaqstan jáne Jambyl oblystary quqyq qorǵaý jáne arnaıy organdarynyń 2009 jyly uıymdasqan qylmysqa qarsy turýdaǵy ózara is-qımylynyń jaı-kúıi talqylandy.
Ony ótkizýge Bas prokýratýranyń Іshki ister mınıstrligimen, Ekonomıkalyq qylmyspen jáne sybaılas jemqorlyqpen kúres agenttigimen jáne Ulttyq qaýipsizdik komıtetimen birlese júrgizgen tekserý qorytyndylary negiz boldy.
Uıymdasqan qylmyspen kúres eldiń quqyq qorǵaý organdarynyń birinshi kezektegi mindeti ekendigi jáne onyń Bas prokýrordyń erekshe baqylaýynda turǵandyǵy atap ótildi.
Birlesken tekserý birqatar kemshilikterge qaramastan, quqyq qorǵaý jáne arnaıy organdar uıymdasqan qylmyspen kúreste belgili bir nátıjelerge qol jetkizgeni atap ótildi.
Vedomstvoaralyq ózara is-qımyl máseleleri boıynsha syndarly talqylaý boldy, ishki ister organdarynyń jáne basqa da vedomstvolardyń qyzmetin jandandyra túsý jóninde usynystar engizildi.
Keńestiń qorytyndysy boıynsha, barlyq quqyq qorǵaý jáne arnaıy organdardyń uıymdasqan qylmysqa qarsy turý jónindegi ózara is-qımylyn jaqsartýǵa jáne jandandyra túsýge baǵyttalǵan sheshim qabyldandy.
