Bas prokýratýrada terrorızm jáne dinı ekstremızmge qarsy kúres máseleleri talqylandy
ASTANA. 23 aqpan. QazAqparat - «Búgin Bas prokýratýrada Zańdylyqty, quqyqtyq tártip pen qylmysqa qarsy kúresti qamtamasyz etý jónindegi Úılestirý keńesiniń otyrysy bolyp ótti, onda terrorızm jáne dinı ekstremızmge qarsy kúres máseleleri
talqylandy», - dep habarlaıdy vedomstvonyń baspasóz qyzmeti.
Atap aıtqanda, memlekettik organdardyń osy baǵyttaǵy jumystaryn jetildirý jáne ózara is-qımyl jasasý, turǵyndardyń, ásirese jastardyń arasynda dinı ekstremızm jáne terrorızm ıdeologııasynyń taratylýyna jol bermeýdiń profılaktıkasy boıynsha qosymsha sharalar qabyldaý máseleleri talqylandy.
Sonymen qatar, turǵyndar arasynda elimizdiń rýhanı jáne mádenı muralarynyń qundylyqtary jóninde aqparattyq-aǵartýshylyq is-árekettiń belsendiligin arttyrý, qoǵamdyq kelisimdi nyǵaıtý jumystary sóz boldy.
Buǵan qosa dinı ekstremızm jáne terrorızm kórinisteriniń faktilerimen baılanysty ister boıynsha sot-saraptamalyq qyzmetti jetildirý qajettiligi, sondaı-aq buqaralyq aqparat quraldarynda ekstremızm men terrorızmdi nasıhattaý jáne ony aqtaýǵa tosqaýyl qoıý jónindegi jumystardy jalǵastyrý máseleleri qozǵaldy. Tulǵanyń óz ornyn tabýyna jaǵdaı týǵyzatyn qol jetimdi sporttyq sektsııalar men klýbtar, oqý oryndary janyndaǵy shyǵarmashylyq úıirmeler jelisin damytý boıynsha qosymsha sharalar qabyldaý arqyly halyqtyń, ásirese jasóspirimder men jastardyń jumyspen qamtylýyn jáne áleýmettik qorǵalýyn qamtamasyz etý jóninde aıtyldy.
Atalǵan máselelerdi talqylaý qorytyndylary boıynsha Keńes
dinı terrorızm jáne ekstremızmge qarsy turýdyń tıimdi júıesin qalyptastyrýǵa, azamattardy, qoǵam men memleketti terrorıstik qaýipterden senimdi túrde qorǵaýdy qamtamasyz etýge baǵyttalǵan qosymsha uıymdastyrýshylyq-praktıkalyq sharalar men is-áreketterdi úılestirý jóninde birlesken sheshimder qabyldady.
