Bas prokýratýrada Otan qorǵaýshylar merekesi men Jeńis kúnine arnalǵan saltanatty jıyn ótti
Uly Otan soǵysynda shaıqasqan jáne tylda jeńisti jaqyndatýǵa kómektesken prokýratýra organdarynyń 19 ardageri merekelik is-sharanyń basty qurmetti qonaqtary retinde qatysty.
Saltanatty jınalysty ashqan Bas prokýror Ashat Daýylbaev ardagerlerdi Jeńistiń 66 jyldyǵymen quttyqtap, maıdandaǵy jáne tyldaǵy erlikteri úshin olarǵa tereń alǵys sezimderin jetkizdi. «Barlyq urpaqtar úshin 9 mamyr bizdiń halqymyzdyń Otanǵa degen sheksiz súıispenshiliginiń, qaharmandyǵy men erliginiń máńgilik belgisi retinde qalatyn erekshe jarqyn mereke. Halyqtyń erligi men fashızmdi jeńýdiń álemdik tarıhı mánin eshkim de, esh nárse de tómendete almaıdy. Sol bir otty jyldary bizdiń ardagerlerimiz - prokýratýra organdarynyń qyzmetkerleri de barsha halyqpen birge qaharmandyqtyń úlgisin kórsetip, jarqyn Jeńiske erlikterimen jol saldy. Prokýratýra qyzmetkerleriniń jartysyna jýyǵy soǵysqa attansa, olardyń kópshiligi maıdan dalasynan oralmady. Kóptegen ardagerlerimiz tyl eńbekkerleri retinde soǵys kezinde asa qajetti jumystardy istep, aıanbaı ter tókti. Urpaqtar sanasynda ákeler men atalardyń erligi máńgilikke qalady jáne bastaryna túsken aýyrtpalyqty qaıyspaı kóterip shyqqandary, Jeńisti jaqyndatýǵa qoldan kelgenniń barlyǵyn jasaǵandary, balalary, nemereleri men shóbereleriniń beıbit aspan astynda ómir súrip jatqandary úshin olar rızashylyq bildiredi», - dedi A. Daýylbaev.
Zor qurmet jáne rızashylyq belgisi retinde Bas prokýror soǵys ardagerleri men tyl eńbekkerlerine vedomstvolyq nagradalar men qundy syılyqtar tapsyrdy. Ardagerler ózderiniń jas áriptesterin quttyqtap, prokýrorlardyń jas býynyna Otan úshin ot keshkenderdi este saqtap, solarǵa laıyqty qyzmet isteýdi, prokýrorlyq kásiptiń jaqsy dástúrlerin saqtaýdy jáne damytýdy tiledi.
Esterińizge sala keteıik, Otan qorǵaýshylar kúnine oraı Qazaqstan Respýblıkasy Prezıdentiniń Jarlyǵymen Bas prokýror Ashat Daýylbaevqa 2-synypty memlekettik ádilet keńesshisi synyptyq sheni jáne Bas prokýrordyń orynbasary Berik Asylovqa 3-synypty memlekettik ádilet keńesshisi synyptyq sheni tapsyrylǵan bolatyn. Budan bólek, minsiz qyzmet etkenderi jáne zańdylyq pen quqyq tártibin qamtamasyz etýge úles qosqandary úshin Bas prokýror prokýratýra organdarynyń 82 qyzmetkerine vedomstvolyq nagradalar tabys etti. Sonymen qatar ardagerlerdiń Astanadaǵy merekelik baǵdarlamasynda «Otan qorǵaýshylar» monýmentine gúl shoqtaryn qoıý rásimi ótip, olar Beıbitshilik jáne kelisim saraıyndaǵy merekelik kontsertke qatysty.
