Bas prokýratýrada Naýryz meıramyna arnalǵan saltanatty jıyn ótti
ASTANA. 20 naýryz. QazAqparat - Búgin QR Bas prokýratýrasynda Naýryz meıramyna arnalǵan saltanatty jınalys bolyp ótti. Ujymdy Ulystyń uly kúnimen quttyqtaı otyryp, Bas prokýror Ashat Daýylbaev Naýryzdyń mańyzdylyǵyn atap ótti.
Bul týraly vedomstvonyń baspasóz qyzmetinen habarlandy.
«Halqymyz erteden beri jyldyń basy ári tabıǵattyń jańaratyn kúni Naýryzdy merekelep kelgen. Búginde Qazaqstannyń barlyq halyqtary úshin ol kóktemgi jańarýdyń, dostyq pen birliktiń, Otanǵa degen súıispenshiliktiń nyshanyna aınalyp otyr. Táýelsizdik jyldarynda ejelgi mereke ýaqytty, Qazaqstan tarıhy men búginin baılanystyrýshy mańyzdy býyn retinde qazirgi ómirden úılesimdi oryn aldy», - delingen baspasóz aıǵaǵynda.
Saltanatty is-shara vedomstvo qyzmetkerleriniń qatysýymen uıymdastyrylǵan merekelik kontsertpen aıaqtaldy.
