Bas prokýratýrada Qazaqstan Respýblıkasynyń zańdylyqty, quqyqtyq tártip pen qylmysqa qarsy kúresti qamtamasyz etý jónindegi Úılestirý keńesiniń otyrysy ótti
TANA. 24 qarasha. QazAqparat. Bas Prokýrordyń tóraǵalyq etýimen Qazaqstan Respýblıkasynyń zańdylyqty, quqyqtyq tártip pen qylmysqa qarsy kúresti qamtamasyz etý jónindegi Úılestirý keńesiniń otyrysy ótti, onda jeke kásipkerlik sýbektileriniń quqyqtaryn qorǵaý salasyndaǵy zańdylyqtyń jaı-kúıi jáne olardyń qyzmetine zańsyz aralasý faktileriniń jolyn kesý boıynsha memlekettik organdar qabyldaǵan sharalar týraly másele qaraldy, dep habarlaıdy Bas prokýratýranyń baspasóz qyzmeti.
Otyrys jumysyna Ekonomıkalyq qylmysqa jáne sybaılas jemqorlyqqa qarsy kúres agenttiginiń, Ekonomıkalyq damý jáne saýda mınıstrligi, «Nur Otan» HDP, «Atameken» UEP ókilderi, beınekonferentsııalyq baılanys boıynsha - oblystyq úılestirý keńesteriniń músheleri, oblys ákimderiniń orynbasarlary men birqatar baqylaý organdarynyń basshylary qatysty.
Otyrysqa qatysýshylar atap ótkendeı, jeke kásipkerlikti qoldaý jáne damytý, bıznesti damytýǵa qolaıly jaǵdaı jasaý - memlekettik saıasattyń strategııalyq mindetteriniń biri. Osy maqsatta bıznesti qoldaý boıynsha arnaıy baǵdarlamalar iske asyrylyp, zań buzýshylyqty baqylaý jáne jedel joıý tetikterin jetildirýge baǵyttalǵan sharalar qabyldanýda.
Alaıda, bızneske ákimshilik qysym jasaý áli kúnge deıin oryn alýda. Prokýrorlyq tekserýlerdiń qorytyndylarymen memlekettik organdardyń kásipkerler quqyqtaryn buzýynyń kóptegen faktilerin anyqtaldy.
Zańsyz tekserý taǵaıyndaý, kásipkerlerge zańsyz salymdar salý, sharýashylyq etýshi sýbektilerdiń qyzmetine zańsyz aralasý, olardyń jumysyna jasandy qıyndyqtar týdyrý kedergi keltiredi. Osynyń bári bıznes-ortanyń damýyna tosqaýyl bolady.
2010 jyldan basynan 6 995 zań buzýshylyq anyqtalyp, 4 844 kásipkerdiń konstıtýtsııalyq quqyqtary qorǵaldy. 1 128 laýazymdy tulǵa túrli jaýapkershilikke tartyldy.
Úılestirý keńesi qalyptasqan jaǵdaıdy eskere otyryp, barlyq memlekettik organdarǵa bıznes isine aralasý faktilerin túbirimen joıý úshin jan-jaqty sharalar qabyldaý jáne tekserýlerge vedomstvolyq baqylaýdy kúsheıtý týraly usynys jasady. Osy maqsatta tekserýlerdi júıelendirýge jáne bıznes júrgizýdiń zańdy joldaryn yntalandyrýǵa baǵyttalǵan táýekeldi baǵalaý júıesiniń krıterıılerine sáıkes tekserýlerdi mindetti túrde josparlaý qajettigi atap ótildi.
Sondaı-aq Úılestirý keńesi keleshekte ákimderdiń reıtıng kórsetkishterine qosa otyryp, óńirler bóliginde bıznes júrgizý sharttaryn baǵalaýdyń biryńǵaı júıesin ázirleýdi usyndy. Tekserý júrgizý tártibin buzǵany úshin laýazymdy tulǵalardyń jaýapkershiligin arttyrýdy kózdeıtin zańnamaǵa ózgerister men tolyqtyrýlar engizýge bastama jasaý usynyldy.
Bızneske shynaıy qoldaý kórsetý maqsatynda baqylaý quzyreti men kásipkerlikti qoldaý fýnktsııasyn qatar qoldanýdy alyp tastap, aýmaqtyq bólimshelerdiń quzyretterinen qaıta qaraý týraly usynys jasaldy.
