Bas prokýratýrada kámeletke tolmaǵandar arasynda ózine-ózi qol jumsaýdyń aldyn alý jáne olardy boldyrmaý máselesi talqylandy

onda kámeletke tolmaǵandar arasynda ózine-ózi qol jumsaýdyń aldyn alý jáne olardy boldyrmaý baǵytynda atqarylǵan jumystardyń jaı-kúıi, sondaı-aq sotta memlekettik aıyptaýdy qoldaý tájirıbesi talqylandy.

Alqa májilisiniń jumysyna Premer-Mınıstrdiń orynbasary E.Orynbaev, Prezıdent Ákimshiliginiń ókilderi, Adam quqyǵyn qorǵaý jónindegi Ulttyq ortalyqtyń basshysy, ishki ister, bilim jáne ǵylym, baılanys jáne aqparat, sport jáne týrızm, eńbek jáne áleýmettik qorǵaý mınıstrlikteriniń basshylary qatysty,dep habarlaıdy Bas prokýratýranyńbaspasóz qyzmeti

Jasóspirimder arasyndaǵy ózine-ózi qol jumsaý máselesiniń alqa májilisiniń kún tártibine shyǵarylýy onyń asa mańyzdylyǵynda bolyp otyr. Oryn alǵan jaǵdaıǵa Bas prokýratýra osydan birneshe jyl buryn kóńil aýdaryp, tekserý nátıjesinde alańdaýshylyq týdyratyn derekter anyqtaǵan bolatyn.

Degenmen, sońǵy jyldary jasóspirimder arasyndaǵy ózine-ózi qol jumsaýdyń beleń alyp bara jatqany jáne jasalǵan taldaýdyń nátıjesi oryn alǵan másele túıininiń osy ýaqytqa deıin óz sheshimin tappaǵanyn ári onyń ózektiligin kórsetip otyr.

Alqa májilisinde ýákiletti organdardyń kámeletke tolmaǵandar arasyndaǵy ózine-ózi qol jumsaýdyń aldyn alý baǵytynda atqarǵan jumystarynyń jetkiliksizdigi atalyp ótti. Jasóspirimder arasyndaǵy ózine-ózi qol jumsaýǵa negizinen otbasyndaǵy, mekteptegi jáne dostarynyń ortasyndaǵy qarym-qatynastar sebepshi bolýda. Al óz erkimen ómirin qıǵan nemese ony jasaýǵa talpynǵandardyń psıhologııalyq beınesin zerdeleý bul balalardyń basym kópshiliginiń psıhologııalyq túrǵydan denderiniń saý ekendigin kórsetti.

Talqylaýdyń nátıjesinde alqa mejilisi kámeletke tolmaǵandardyń arasyndaǵy ózine-ózi qol jumsaýǵa beıim minez-qulyq profılaktıkasynyń jańa ádisterin, keshendi aldyn alý sharalaryn qabyldaý, ýákiletti organdar men jurtshylyqtyń arasyndaǵy ózara is-qımyl belsendiligin arttyrýdy qarastyratyn balalardyń arasyndaǵy ózine-ózi qol jumsaýdyń aldyn alýǵa arnalǵan Memlekettik baǵdarlamany daıyndaýdyń jáne qabyldaýdyń qajettiligin atap kórsetti.

Máseleniń erekshe mańyzdylyǵyn eskere otyryp, tekserý barysynda anyqtalǵan zań buzýshylyqtar jáne olardyń týyndaýyna áser etken sebepter men jaǵdaılar boıynsha Úkimetke sáıkes usynys engizý jóninde alqa sheshim qabyldady.

Іshki ister mınıstrligine kámeletke tolmaǵandarmen jumys jónindegi qurylymdyq bólimsheler jumysynyń sapasyn jandandyrý úshin tıimdi sharalardy qabyldaý, kámeletke tolmaǵandar jasaǵan qylmystardy, sondaı-aq ózine-ózi qol jumsaý jaǵdaılaryn tergeýmen aınalysatyn arnaıy ıývenaldy bólimsheler qurý tapsyryldy.

Bilim jáne ǵylym mınıstrligine bilikti maman psıhologtardy tartý, oqýshylardyń mektepten tys tárbıesin jandandyrý jene olardyń bos ýaqytyn tıimdi paıdalanýdy qamtamasyz etý, olarda ómir shyndyǵyn synı turǵyda baǵalaý, teris áser etetin qysymdarǵa qarsy turý qabiletterin qalyptastyrý mindeti júkteldi.

Densaýlyq saqtaý mınıstrligine jan kúızelis jaǵdaıynda júrgen jáne ózine-ózi qol jumsaýǵa beıim adamdarǵa kómek kórsetetin mamandandyrylǵan sýıtsıdologııalyq qyzmetter ashý máselesin sheshý usynyldy. Sonymen qatar, kámeletke tolmaǵandarǵa qarsy kúsh qoldanýdyń saldarynan dene jaraqattaryn alǵandyǵy jóninde shaǵymdar túsken rette der kezinde quqyq qorǵaý organdaryn habardar etý mindeti júktelgen zań talaptarynyń saqtalýyn qamtamasyz etý tapsyryldy.

Jasóspirimder arasyndaǵy ózine-ózi qol jumsaýdy nasıhattaý ınternet júıesinde ashyq júrgiziletinin, al osyndaı saıttarǵa kirý deńgeıi aıtarlyqtaı joǵary ekenin eskere otyryp, alqa Baılanys jáne aqparat mınıstrligine múndaı ınternet kózderiniń qyzmetine shekteý ornatý jáne belgili bir jas sanatyndaǵy balalardyń enýine ruqsat bermeý nemese qyzmet kórsetýdiń erekshe tártibin ornatý máselesin qarastyrýdy usyndy.

Bas Prokýror oblys prokýrorlaryna mektep oqýshylaryn bopsalaý derekteri boıynsha qozǵalǵan isterdi zertteý úshin tıisti sharalardy qabyldaýdy, sondaı-aq kámeletke tolmaǵandardyń ózin-ózi óltirýge deıin jetkizýi boıynsha qozǵalǵan qylmystyq isterdiń tergelýine tikeleı baqylaý jasaýdy júktedi.

Sotta memlekettik aıyptaýdy qoldaý tájirıbesine taldaý jasaý prokýrorlardyń sot talqylaýlarynda qatysýynyń sapasyn kóterýmen, sotta qatysý daıyndyǵyn tıisti deńgeıde qamtamasyz etýmen tyǵyz baılanysty. Sondyqtan júmys qorytyndysyn jasaý barysynda ózge ólshemdermen qatar prokýrorlardyń ustanymy men sot sheshimderiniń arasyndaǵy alshaqtyqty da taldaý mańyzdy bolyp tabylatyny alqa májilisinde atap ótildi. Osyǵan oraı Bas Prokýror aımaqtaǵy prokýrorlarǵa qosymsha tergeý júrgizý úshin qaıtarylǵan árbir qylmystyq isterge tekserý júrgizýdi tapsyrdy.