Bas prokýratýrada Azamattardy qabyldaý ortalyǵy ashyldy
Onda kezekshi prokýrorlar azamattardy qabyldaýyn júrgizedi, sondaı-aq, keńes berip, ótinisherdi jazý barysynda kómek kórsetedi. Sondaı-aq, azamattardy barlyq deńgeıdegi prokýratýra basshylarynyń qabyldaýyna jazylýǵa múmkindik kózdelgen. Azamattar ótinishteriniń qaralý barysy jaıly aqparat pen jaýaptardyń kóshirmelerin ala alady.
Ortalyqqa Bas Prokýrordyń aǵa kómekshisi Saǵatbek Súleımen basshylyq jasaıdy.
Azamattardy qabyldaý ortalyǵy kútý oryndarymen jáne elektrondyq kezekpen jabdyqtalǵan. Kelýshilerdiń jaılylyǵy úshin kofe-apparaty men dıspenser ornatylǵan.
Sonymen qatar zalda qabyldaý kestesi men erejeleri, sondaı-aq, ótinishterdiń úlgisi bar aqparattyq taqtaıshalar ilingen.
Ortalyq jumysyn qonaqtarǵa tanystyrý barysynda S.Súleımen: «Bas Prokýror Jaqyp Asanovtyń tapsyrmasymen ústimizdegi jyldyń sáýir aıynan bastap testilik rejimde jumys jasaı bastaǵan Azamattardy qabyldaý ortalyǵy quryldy. Biz búgin resmı túrde onyń tusaýyn kesip otyrmyz. Bul halyqpen jumys jasaýdyń sapasyn jaqsartýdaǵy qadamdardyń biri jáne biregeıi bolyp tabylady. Jyldyń aıaǵyna deıin óńirlerde de osyǵan uqsas jaǵdaı jasaýdy josparlap otyrmyz», - dep atap ótti.
Sonymen qatar AEAjQS komıtetiniń tóraǵasy Baǵdat Mýsın ortalyq qurý týraly oıdyń júzege asqany týraly keńinen tarqata ótti.
«Bizdiń qyzmetkerler osy keńistikti eń aldymen ózderi sezinýi tıis. Halyqqa qyzmet kórsetý ortalyqtary sekildi biz halyqqa qyzmet etýimiz kerek, bul úshin servıstik ahýal qalyptastyrýymyz qajet jáne prokýrorlarda osyǵan bet burǵany jón. Jaqyn arada iske qosylatyn Quqyq qorǵaý qyzmetiniń ortalyǵynda da servıstik jetildirýdiń usynatyn bolamyz», - dedi B.Mýsın.
QR Bas prokýratýrasynyń 115 sall-ortalyǵy da jańartýlardan tys qalmady, bıznes-protsester jetildirilip, personal oqý kýrstaryna ótti.
«Biz qyzmetimizdi belsendi túrde jetildirip kelemiz, ásirese, bul azamattardyń ótinishterimen jumys jasaýǵa qatysty, onyń ishinde 115 sall-ortalyǵy arqyly kelip túsken ótinishter de bar. Ótken jyly 73 myńnan asa qońyraý qabyldandy, olardyń árqaısysy biz úshin óte mańyzdy jáne árbir ótinish muqııat zerdelendi», - deıdi Bas prokýratýranyń Aryz-shaǵymdardy qaraý týraly zańdardyń qoldanylýyna qadaǵalaý jáne is júrgizý basqarmasynyń bastyǵy Janbolat Týǵanbaev.
Ortalyq esigi jumys kúnderi, dúısenbi-juma aralyǵynda saǵat 9.00-den 18.30-ǵa deıin (túski úzilis 13.00-14.30) kelýshilerge ashyq. Ol Astanadaǵy Máńgilik El dańǵyly 14 mekenjaıyndaǵy Bas prokýratýranyń ǵımaratynda ornalasqan.