Bas prokýratýrada Almaty men Soltústik Qazaqstan oblysy prokýrorlarynyń jumys qorytyndysy qaraldy
TANA. 27 qazan. QazAqparat - Búgin Bas prokýror Ashat Daýylbaevtyń tóraǵalyǵymen zańdylyqtyń jáne prokýrorlyq qadaǵalaýdyń jaı-kúıi máseleleri boıynsha alqa májilisi ótip, onda Almaty qalasy men Soltústik Qazaqstan oblysy prokýratýralarynyń 2009 jyl men 2011 jyldyń alty aıy kezeńindegi zańdylyq pen quqyq tártibin qamtamsyz etý jónindegi jumys qorytyndylary qaraldy.
Bas prokýratýra baspasóz qyzmetiniń atap ótýinshe, talqylaý barysynda atalǵan óńirler prokýrorlarynyń qyzmetine prıntsıpti túrde baǵa berildi. Tıisti qadaǵalaýdy qamtamasyz etpegen qyzmetkerler qatań tártiptik jaýapkershilikke tartyldy.
Jınalys qorytyndysy boıynsha qadaǵalaý qyzmetiniń tıimdiligin arttyrýǵa baǵyttalǵan uıymdastyrýshylyq jáne praktıkalyq sharalar kesheni qabyldandy. Atalǵan óńirlerdiń prokýrorlaryna bıznesti jáne azamattardyń eńbek quqyqtaryn qorǵaý, qorshaǵan ortany qorǵaý jáne ózge de basym baǵyttar boıynsha, sondaı-aq qylmyspen jáne sybaılas jemqorlyqpen kúres máseleleri boıynsha quqyq qorǵaý organdarynyń qyzmetin úılestirýdi kúsheıtý tárizdi birqatar tapsyrmalar berildi.
