Bas prokýratýra janynan Zańdylyqty qamtamasyz etý máseleleri jónindegi konsýltatıvtik keńes quryldy
Bas prokýratýranyń baspasóz qyzmetiniń habarlaýynsha, keńestiń quramyna kórnekti qoǵam qaıratkerleri jáne bedeldi mamandar endi, olardyń tájirıbesi, kásibıligi jáne belsendi azamattyq ustanymy keńestiń aldynda turǵan jaýapty mindetterdi jemisti sheshýge septigin tıgizedi. Olardyń quramynda depýtattyq korpýstyń, ǵylymı ortanyń, buqaralyq aqparat quraldarynyń, úkimettik emes uıymdardyń ókilderi bar.
Konsýltatıvtik-keńesshi organnyń negizgi mindetteri retinde - elimizdegi zańdylyqtyń jaı-kúıin arttyrý, memlekettiń quqyqtyq saıasatyn júrgizýge kómek kórsetý, prokýratýranyń úkimettik emes uıymdarmen jáne turǵyndarmen ózara qarym-qatynasyn damytý jáne odan ári jetildirý belgilengen.
Keńes zańdylyqtyń ústemdigin qamtamasyz etý, azamattardyń quqyqtary men bostandyqtary qorǵalýynyń kepildigin arttyrýǵa, prokýratýra qyzmetine qoǵamdyq baqylaýdy kúsheıtýge yqpal etetin bolady.
«Qoǵamdyq ınstıtýt azamattardyń quqyq qorǵaý júıesine degen senim deńgeıin arttyrý jáne qoǵamdy tolǵantatyn ózekti máselelerdi sheshý jolyndaǵy pármendi qural bolmaq», delingen habarlamada.