Bas prokýratýra jáne Ulttyq kásipkerler palatasy Ózara áriptestik týraly memorandýmǵa qol qoıdy
Atalmysh qujatty Bas prokýror Ashat Daýylbaev jáne QR Ulttyq kásipkerler palatasynyń tóraǵasy Tımýr Qulybaev bekitti.
"Biz eldegi kásipkerliktiń damýyna qajetti quqyqtyq, ekonomıkalyq, áleýmettik jaǵdaılardy joǵary deńgeıde qamtamasyz etýimiz shart. Osy turǵyda memlekettik organdar men kásipkerliktiń jumyla jumys isteýi mańyzdy", - dedi Bas prokýror A. Daýylbaev.
"Qazirgi ýaqytta Úkimette Salyq kodeksin jetildirý boıynsha jumystar talqylanýda. Sonymen qatar elektrondy memlekettik satyp alý týraly zań jasalýda. Osy salalar bizdiń birlesken kúshimizdiń arqasynda rettelýi tıis. Bizde ortaq oń tájirıbe bar. Sony damytamyz", - dep atap ótti óz kezeginde T.Qulybaev.
Atalǵan qujat ekonomıka salalaryndaǵy quqyq buzýshylyqtardyń aldyn alý jáne olardy joıý joldaryn anyqtaý, kásipkerlik sýbektileriniń quqyqtaryn qalpyna keltirý boıynsha jumystardy kúsheıtýge baǵyttalǵan.
Is-sharaǵa beıne baılanys arqyly prokýratýranyń aımaqtyq organdary men óńirlik kásipkerler palatalarynyń ókilderi qatysty.
