Bas Prokýratýra jańa Prokýrorlyq ar-namys kodeksin ázirledi

 Bul týraly búgin Astanada «Zańdylyqty qamtamasyz etýdegi qalalyq jáne aýdandyq prokýratýralardyń rolin joǵarylatý» taqyrybynda ótip jatqan respýblıkalyq semınar-keńeste QR Bas Prokýrory Qaırat Mámı málim etti, dep habarlaıdy QazAqparat.

«Tórt jyl buryn qabyldanǵan Prokýrorlyq ar-namys kodeksi eskirip, óziniń ózektiliginen aıyryldy. Osyǵan oraı Bas Prokýratýra jańa kodeksti ázirledi», dedi Q. Mámı.

Onyń aıtýynsha, jańa kodekste baǵdarlamalyq  qujattardaǵy máseleler jáne Prezıdenttiń tapsyrmalary eskerilgen.

«Biz qazaqstandyq prokýrorlar qaýymdastyǵy jarǵysynyń jobasyn ázirledik. Ol respýblıkalyq mártebesi bar qoǵamdyq birlestik túrinde qurylady», dedi Bas Prokýror.

Onyń sózine qaraǵanda, bul birlestiktiń negizgi mindeti prokýratýra organdarynyń múddelerin bildirý  men qorǵaýǵa, sondaı-aq osy qurylǵaly turǵan uıymnyń jumysy shet memleketterdegi osyndaı uıymdarmen halyqaralyq qarym-qatynastardy ornatyp, damytýǵa baǵyttalmaq.