Bas prokýratýra UQK-niń Almaty qalasy boıynsha departamenti bastyǵynyń burynǵy orynbasary Serik Asaınovtyń tutqyndalǵanyn rastady
ASTANA. Aqpannyń 4-i. QazAqparat /Aıdar Ospanalıev/ - Búgin Bas prokýratýranyń resmı ókili Nurdáýlet Súıindikov Ulttyq qaýipsizdik komıtetiniń Almaty qalasy boıynsha departamenti bastyǵynyń burynǵy orynbasary Serik Asaınovtyń tutqynǵa alynǵandyǵyn rastady,
dep habarlaıdy QazAqparat.
Resmı ókildiń sózine qaraǵanda, S.Asaınovqa qatysty qyzmet ókilettigin asyra paıdalandy degen aıyppen qarjy polıtsııasynyń qyzmetkerleri qylmystyq is qozǵap, sottyń sheshimimen tutqynǵa alynǵan. «Atalmysh azamatqa qatysty istiń anyq-qanyǵyn qarjy polıtsııasynyń tergeýshisinen bilý kerek shyǵar. Meniń biletinim, bul is tótenshe jaǵdaılar qyzmetinen áýe kólikterine arnalǵan otyndy urlaýmen jáne tótenshe jaǵdaılar salasynyń ushaǵyn zańsyz paıdalanýmen baılanysty», dedi resmı ókil.
