Bas prokýratýra: toǵyz qazaqstandyq fýtbolshy 110 mıllıon teńgege bás tikkeni anyqtaldy

ASTANA. KAZINFORM — Bas prokýratýra Qazaqstan fýtbol federatsııasy men fýtbol klýbtaryna qatysty júrgizgen tekserý barysynda býkmekerlik keńselerde kelissózder ótkizý jáne bás tigý faktilerin anyqtady. 

— Bas prokýratýra Qazaqstannyń Fýtbol federatsııasynda jəne fýtbol klýbtarynda tekserý júrgizip, birqatar zań buzýdy anyqtady, onyń ishinde kelisilgen matchtar men býkmekerlik keńselerdegi bəs tigý faktileri de bar. Eńbek shartymen tyıym salynǵanyna qaramastan, fýtbolshylar men jattyqtyrýshylar býkmekerlik stavkalarǵa qatysýy jalǵasyp kelgen, — delingen habarlamada.

Məselen, Aqtóbe qalasynda 9 fýtbolshy jalpy somasy 110 mln teńgege bəs tikken. 2025 jyldyń 2 sáýirinde federatsııaǵa zań buzýdy joıý týraly usynys berildi.

Onyń qaralý nətıjesinde federatsııa tarapynan anyqtalǵan zań buzýdy joıý jəne qarjylyq ornyqtylyqty qamtamasyz etý maqsatynda «Jol kartasy» əzirlendi.

Jol kartasynda aýdıt, qarjy jəne ədep jónindegi komıtetterdi qurý, sondaı-aq qarjylyq tərtipti kúsheıtýge baǵyttalǵan 33 is-sharany iske asyrý kózdelgen. Sonymen qatar, federatsııanyń məlimetine səıkes tekserý qorytyndysy boıynsha birqatar kadrlyq sheshim qabyldandy. 

— Bıyl 20 mamyrdaǵy jaǵdaı boıynsha federatsııa əkimshiliginiń basshysymen, basqarýshy dırektormen, zań, operatsııalyq jəne marketıng departamentteriniń dırektorlarymen, qaýipsizdik jəne ıntegrıtı qyzmetiniń basshysymen eńbek sharttary buzyldy. Sondaı-aq, federatsııanyń birqatar basshy qyzmetkeri laýazymdarynan tómendetildi. Qazirgi ýaqytta Federatsııa zań buzýdy joıý, qarjylyq tərtipti kúsheıtý jəne fýtboldy damytýdyń jańa maqsattary men mindetterine saı uıymdyq qurylymyn ońtaılandyrý boıynsha jumysty jetildirip jatyr, — delingen habarlamada.

Aıta ketelik memlekettik qyzmetshilerdiń bás tigýine jáne býkmekerlerdi jarnamalaýǵa tyıym salynǵan edi.