Bas prokýratýra tergeý kezinde jaýap alýdy qashyqtan júrgizýdi usynady
ASTANA. 18 jeltoqsan. QazAqparat - Biz beınebaılanys quraldaryn qoldaný arqyly qashyqtan jaýap alý júıesin engizýdi usynyp otyrmyz. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bas prokýrorynyń birinshi orynbasary Iogan Merkel osylaı aıtty.
«Qazaqstannyń terrıtorııasyn eskersek, beınebaılanys arqyly jaýap alý júıesi tergeýdiń tıimdiligin arttyrady. Oǵan qosa, biz bıýdjettiń biraz qarajatyn únemdeı alamyz», - dep atap kórsetti I.Merkel.
Aıta keteıik, atalǵan usynys Qylmystyq jáne Qylmystyq is júrgizý kodeksteriniń jańa nusqasynda kórinis tapqan. Ol qujattardy 2015 jyly qoldanysqa engizý kózdelip otyr.
