Bas prokýratýra Talǵat Ardandy ekstradıtsııalaý protsesine qatysty resmı jaýap berdi

ASTANA. KAZINFORM — Qazaqstannyń quqyq qorǵaý organdary Astana LRT kompanııasynyń burynǵy basshysy Talǵat Ardandy ekstradıtsııalaýǵa qatysty Túrkııa sheshimin kútip otyr. 

Agenttiktiń resmı saýalyna oraı Bas prokýratýra tarabynan berilgen resmı jaýapta Túrkııa Respýblıkasynyń Ádilet mınıstrligine kúdiktini berý týraly suranys jiberilgendigi aıtylady.

Alaıda, búginge deıin túrik tarapy atalǵan suranysqa qatysty túpkilikti sheshim qabyldamaǵan. Bul Qazaqstan men Túrkııa arasynda 1995 jyldyń 15 tamyzynda qabyldanǵan Qylmystyq ister boıynsha quqyqtyq kómek jáne tulǵalardy berý týraly kelisimde suranystyń qaralý naqty merzimi bekitilmeýine baılanysty bolyp otyr.

— Sondyqtan Talǵat Ardandy ekstradıtsııalaý týraly suranysty qaraý Túrkııanyń ulttyq zańnamasyna sáıkes júzege asyrylady, — dep naqtylaıdy Bas prokýratýradan. 

Eske salaıyq, 2023 jyly mamyrda elordada salynbaı qalǵan Astana LRT qurylysyna qatysty qylmystyq is boıynsha sot úkimi shyqty. Sot úkimimen Talǵat Ardan men Qanat Sultanbekov syrttaı 7 jylǵa sottaldy. 

Bıyl mamyrda Bas Prokýratýra Astana LRT-nyń burynǵy basshysy Talǵat Ardannyń Túrkııada ustalyp, Qazaqstanǵa ekstradıtsııalanatynyn habarlady. 

Taıaýda týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov Astana LRT-nyń burynǵy basshysy Talǵat Ardan Túrkııadan Qazaqstanǵa jetkizilgennen keıin, oǵan qatysty qylmystyq is qaıta qaralýy múmkin ekenin málim etti.