Bas prokýratýra talan-tarajǵa túsken QazUÝ jerine qatysty Almaty ákimdigine júgindi
«Budan buryn habarlanǵandaı, 2012 jylǵy 30 qańtarda Almaty qalasy əkimdiginiń qaýlysymen QazUÝ-ǵa turaqty jer paıdalaný quqyǵymen aýdany 73,26 gektar ýchaske berilgen. 2017 jylǵy 2 qazanda qala əkimdigi osy ýchaskeniń shekarasyn túzetý týraly qaýly qabyldap, onyń aýdany 1,82 gektarǵa azaıdy (QazUÝ-da 71,44 gektar qaldy). Ýchaskeniń kishireıtilgen bóligi «Omirex» JShS – 0,74 gektar, kommýnaldyq qyzmetterdiń («Almaty Sý» MKK, «Almaty jylý jelileri» JShS, «Qazposhta» AQ, «Qazaqtelekom» AQ) – 0,56 gektar jəne Sh.A. Mustafaevtyń – 0,52 gektar ıeligine ótti. Alaıda Jer kodeksiniń 48 jəne 82-baptaryn buzyp, Almaty qalasynyń əkimdigi «Omirex» JShS-ǵa jer ýchaskesin saýda-sattyqsyz jəne oǵan QazUÝ-dyń jer paıdalaný quqyǵy toqtatylǵanǵa deıin bergen. Sondyqtan Almaty qalasynyń prokýratýrasy 2022 jylǵy 11 mamyrda qalalyq jer resýrstaryn basqarý departamentiniń atyna zańbuzýshylyqty joıý týraly usynys engizdi», - dedi Berik Asylov jaýabynda.
Onyń atap ótýinshe, 2001 jylǵy 16 qazanda Óskemen qalasy əkiminiń sheshimimen «Shyǵys Qazaqstan klassıkalyq ýnıversıteti» JShS-ǵa əkimshilik ǵımarat pen oqý korpýsyn ornalastyrý úshin ýchaskege (0,5 gektar; 30-shy Gvardııalyq dıvızııa kóshesi, 34A) jeke menshik quqyǵy berilgen.
Oǵan ShQKÝ-dyń 2001 jylǵy 28 maýsymda atalǵan ýchaskede sheberhanasy bar oqý korpýstarynyń ǵımarattary keshenin satyp alýy negiz boldy.
2001 jylǵy 4 jeltoqsanda ShQKÝ «Qazaqstan-amerıka erkin ýnıversıteti» JShS-ǵa ýchaskeni (tabystaý aktisi negizinde) bergen.
Keıin ýchaskeni A.Kamenev QAEÝ-den satyp alǵan. Ol onyń nysanaly maqsatyn shaǵyn qonaq úı ornalastyrýǵa ózgertken.
Ýchaskeniń kelesi menshik ıesi – A.Kýdııarova nysanaly maqsatyn saýda oıyn-saýyq ortalyǵyn ornalastyrýǵa aýystyrǵan.
Osylaısha, 2001 jyldan bastap ýchaske ShQÝ-ǵa tıesili bolmaǵan.
«Jer kodeksiniń 109-babynyń 1-tarmaǵyna səıkes qalalardyń, kentterdiń, aýyldyq eldi mekenderdiń barlyq jerleri olardyń qala qurylysy qujattamasyna səıkes paıdalanylýy tıis. Óskemen qalasynyń bas josparyna səıkes osy jer ýchaskesinde joǵary jəne arnaıy oqý oryndaryn ornalastyrý kózdelgen. Alaıda qalanyń 2021 jylǵy 12 qarashadaǵy jańa bas jospary osy ýchaskege saýda-oıyn-saýyq ortalyǵyn ornalastyrýdy kózdeıdi. Búgingi kúni jergilikti atqarýshy organ jer ýchaskesiniń qala qurylysy qujattamasyna səıkes kelmeýin joıdy. Sonymen birge Óskemen qalasynyń prokýratýrasy 2022 jylǵy 6 mamyrda qalalyq əkimdikke ýchaskelerdiń nysanaly maqsatyn ózgertý kezinde qala qurylysy qujattamasyn múltiksiz saqtaý qajettiligi týraly hat joldaǵan», - dedi ol.
Sondaı-aq Berik Asylov «Prokýratýra týraly» Zańnyń 6-baby 6-tarmaǵyna səıkes prokýratýranyń qadaǵalaý kezinde ózge memorgandardyń fýnktsııalaryn almastyrmaıtynyna nazar aýdartady.
«Óz kezeginde prokýror tekseristi ýəkiletti memlekettik organǵa naqty sýbektige qatysty jəne memlekettiń zańdy múddelerine zııan keltirýdiń naqty faktileri boıynsha tapsyrýǵa quqyly. Osyǵan baılanysty tekseriske bastamashylyq etý týraly məsele prokýratýra organdaryna oqý oryndary tarapynan zańdylyqty buzýdyń naqty faktileri týraly məlimetter kelip túsken kezde qaralady», - dedi Bas prokýror.
