Bas prokýratýra suıytylǵan gaz tapshylyǵynyń negizgi sebepterin aıtty
Elimizde sońǵy úsh jylda 7 mıllıon tekshe metr gaz óndirildi. Onyń 25 paıyzy, ıaǵnı 1,7 mıllıon tekshe metri ishki naryqqa baǵyttalǵan. Degenmen, elimizde gaz tapshylyǵy máselesi kezdesip turady. Bas prokýrordyń orynbasary Andreı Lýkın suıytylǵan gaz tapshylyǵynyń negizgi sebepterin atap ótti.
«Suıytylǵan gaz aınalymyn memleket baqylaıdy. Energetıka mınıstrligi aı saıyn tutyný kólemin anyqtaıdy. Óndirýshi kóterme baǵamen satady, jetkizýshi gaz taratý stantsııalaryna bóledi. Bul júıede eshqandaı másele týyndamaýy tıis edi. Biraq qatelikter bar. Saldarynan suıytylǵan gaz tapshylyǵy tirkelip, baǵa ósip jatady. Negizinen qazaqstandyqtardyń qansha gaz tutynyp jatqany týraly esep joq. Óńirlerdegi energetıka basqarmalary gaz quıý stantsııalarynan esep almaıdy, analız jasamaıdy. Al zańda esep alyp, saraptaýǵa ruqsat berilgen. Bul da naryqtaǵy naqty jaǵdaıdy kórsete almas edi. Máselen, Aqtóbede jumys istemeı turǵan gaz quıý stantsııasyna 1200 tonna gaz bólingen. Kassalyq apparat kún saıyn chek berip otyrǵan, qaǵaz júzinde 2 gaz quıýshy jumys istegen. Bul gaz aýyldaǵy 30 stantsııany bir aı qamtýǵa jetetin edi. Qazir qylmystyq is tergelip jatyr», - dedi Bas prokýrordyń orynbasary Andreı Lýkın.
Forým kezinde ishki naryqqa arnalǵan gazdy Aýǵanstanǵa jibermek bolǵan qylmystyq toptyń ustalǵany týraly da aıtyldy. Aqtóbede qazir 8 adam kúdikke ilikti.
«Gaz bólý kezinde ashyqtyq joq. Bul jaǵdaıdy sheneýnikter jaqsy paıdalanyp ketedi. Olar gaz bólý isine aralasyp júr. Birine basymdyq beredi, ekinshisin shettetedi. Ótken jyly osy jolmen Aqtóbe oblysynda gazdyń 80 paıyzy eki kóterme satyp alý kompanııasy berilgen. Sondyqtan bul saladaǵy jumysty jańartyp, ishki naryqqa arnalǵan gazdy bólýde ákimdik qyzmetkerleriniń mindetin bólek qarastyrý kerek. Áleýmettik gazdy shekara asyrýǵa tyıym salǵan durys», - dedi Andreı Lýkın.
