Bas prokýratýra mas kúıde kólik basqarǵan sýdıany jaýapqa tartý týraly Prezıdentke usynym joldady

ASTANA. KAZINFORM – Bas prokýratýra Qazaqstan Respýblıkasynyń Ákimshilik quqyqbuzýshylyq týraly kodeksiniń 873-babyna sáıkes Memleket basshysynyń atyna sýdıa Dosaeva A.K.-ny mas kúıinde kólik basqarǵany úshin ákimshilik jaýapkershilikke tartýǵa kelisim berý týraly usynym joldady.

Atalǵan másele «Qazaqstan Respýblıkasynyń Joǵary Sot Keńesi týraly» zańynyń 3-babyna sáıkes Joǵary Sot Keńesinde qaralatyn bolady. 

– Qazaqstan Respýblıkasy Konstıtýtsııasynyń 79-babynyń 2-tarmaǵyna sáıkes, «sýdıany Prezıdenttiń Joǵary Sot Keńesiniń qorytyndysyna negizdelgen kelisiminsiz, ne Konstıtýtsııanyń 55-baby 3) tarmaqshasynda kózdelgen jaǵdaıda Senattyń kelisiminsiz qamaýǵa alýǵa, májbúrlep ákelýge, sot tártibimen qoldanylatyn ákimshilik jazalarǵa tartýǵa, sondaı-aq qylmystyq jaýapkershilikke tartýǵa bolmaıdy, bul tek qylmys ornynda ustalǵan nemese aýyr qylmys jasaǵan jaǵdaılarǵa qoldanylmaıdy, – dep habarlady Bas prokýratýranyń baspasóz qyzmeti.

Buǵan deıin Astanada mas kúıinde kólik júrgizgen sýdıanyń isi Bas prokýratýraǵa joldanǵanyn jazǵanbyz.