Bas prokýratýra sot tóreliginen jasyrynǵan adamdardy izdestirýdi kúsheıtti
ASTANA. KAZINFORM — Budan bylaı prokýrorlar halyq kóp shoǵyrlanatyn jerlerde beınebaqylaý kameralaryna ózderi monıtorıng jasaıtyn boldy. Bul týraly Bas prokýror Berik Asylov áleýmettik jelidegi paraqshasyna jazdy.
«Bas prokýratýra sot tóreliginen jasyrynǵan adamdardy izdestirý barysyna qadaǵalaýdy kúsheıtti. Prokýrorlar aǵymdaǵy jyly halyq kóp shoǵyrlanatyn jerlerde beınebaqylaý kameralaryna ózderi monıtorıng jasaý arqyly 53 qashqyndy tanyp, ustaý sharalaryn qabyldady», — delingen habarlamada.
Bas prokýratýra 2024 jyldyń birinshi jarty jyldyǵynda atqarylǵan jumystarǵa qorytyndy jasap, prokýratýra organdarynyń zańdylyqty saqtaý, quqyq tártibin qamtamasyz etý jáne qylmystylyqpen kúres boıynsha qadaǵalaý qyzmetiniń nátıjelerin jarııalaǵanyn jazǵan bolatynbyz.
Jyl basynan beri Bas prokýrordyń aralasýymen 4 adam aqtaldy.
Prokýrorlar sottaǵy sózin daıyndaý úshin jasandy ıntellekt tehnologııasyn qoldanbaqshy.
Bas prokýratýra sot tóreliginen jasyrynǵan adamdardy izdestirý barysyna qadaǵalaýdy kúsheıtti. Prokýrorlar aǵymdaǵy jyly halyq kóp shoǵyrlanatyn jerlerde beınebaqylaý kameralaryna ózderi monıtorıng jasaý arqyly 53 qashqyndy tanyp, ustaý sharalaryn qabyldady.
— Berik Asylov (@Asylov_GenPr) August 6, 2024
