Bas prokýratýra: SQO-da separatızmdi nasıhattaǵandar kúdiktige jatpaıdy
ASTANA. QazAqparat – Soltústik Qazaqstan oblysynda separatızmdi nasıhattaýǵa qatysty tergeý aıasynda 18 adamnan jaýap alynýda. Bul týraly Bas prokýrordyń orynbasary Jandos Ómirálıev málim etti, dep habarlaıdy QazAqparat tilshisi.
«Ulttyq qaýipsizdik komıtetiniń Soltústik Qazaqstan oblysy boıynsha departamenti Qylmystyq kodekstiń 180-baby, 2-bóligine sáıkes «BAQ-ty paıdalana otyryp adamdar toby arasynda separatızmdi nasıhattaý» boıynsha qylmystyq is qozǵady. Qylmystyq is sheńberinde turǵylyqty jerleri men jumys oryndarynda tintý júrgizildi. Tárkilengen vıdeotasymaldaýshy sondaı-aq áleýmettik jelilerdegi sıýjet boıynsha saraptama taǵaıyndaldy», - dedi Jandos Ómirálıev Májilistiń jalpy otyrysynan keıin BAQ ókilderiniń saýalyna jaýap bere turyp.
Saraptamany Ádilet mınıstrliginiń qyzmetkerleri júrgizedi, odan keıin árbir qatysýshynyń is-áreketiniń biliktiligi boıynsha qorytyndy jasalady jáne bultartpaý sharasy tańdalady.
«Olardyń mártebesi kúdikti emes, degenmen 18 adamnan jaýap alynýda», – dedi Bas prokýrordyń orynbasary.
Eske salaıyq, buǵan deıin Bas prokýratýra áleýmettik jelide taraǵan beınejazbaǵa SQO-daǵy oqıǵaǵa qatysty túsinikteme bergen edi.