Bas prokýratýra «SK-Farmatsııa» ústinen qylmystyq tekserý bastady — depýtat
ASTANA. KAZINFORM — Májilis depýtaty Baqytjan Bazarbek Bas prokýratýra men Qarjylyq monıtorıng agenttigi Joǵary aýdıtorlyq palata jasaǵan aýdıt qorytyndysy negizinde «SK-Farmatsııa» ústinen qylmystyq tergep-tekserý bastaǵanyn málimdedi.
— JAP aýdıtiniń qorytyndysy negizinde bizdiń ótinishimiz boıynsha Bas prokýratýra Qarjylyq monıtorıng agenttigimen birlesip «SK-Farmatsııa» boıynsha qylmystyq tergep-tekserýdi bastady.
Murat Ábenovpen birge Joǵary aýdıtorlyq palata anyqtaǵan derekter boıynsha Bas prokýratýraǵa joldaǵan ótinishimizden keıin, prokýrorlar quqyq qorǵaý organdarymen birlesip «SK-Farmatsııa» JShS men farmatsevtıkalyq sala sýbektilerindegi urlyq faktileri boıynsha qylmystyq tergep-tekserýge kiristi, — dep jazdy ol Facebook-tegi paraqshasynda.
Aıtýynsha tergeý orbıtasy myna faktilerdi qamtymaq:
— «Infektsııaǵa qarsy preparattar ǵylymı ortalyǵy» AQ jalǵan klınıkalyq zertteýler júrgizip, 166,4 mln teńgege dári-dármek boıynsha qarajat ıgerilgen;
— «SK-Farmatsııa» JShS dári-dármek satyp alý kezinde memleketke 35,8 mlrd teńge mólsherinde zalal keltirgen;
— «KazMedProm» JShS medıtsınalyq qolǵaptardy «SK-Farmatsııa» JShS-ne qymbat baǵamen jetkizý arqyly 5,3 mlrd teńge bıýdjet qarajatyn tıimsiz paıdalanǵan;
— Biryńǵaı dıstrıbıýtordyń («SK-Farmatsııa» JShS — red.) dári-dármek satyp alýy barysynda 35,8 mlrd teńge zalal keltirýi, sondaı-aq «KazMedProm» JShS-niń qolǵaptardy qymbat baǵamen satýy derekteri Bas prokýratýranyń aqparatty esepke alý kitabyna tirkelip, Qarjylyq monıtorıng agenttigine protsestik sheshim qabyldaý úshin joldandy.
Sonymen qatar, jalǵan klınıkalyq zertteýler ótkizý jáne alynbaǵan jabdyq úshin qarajatty negizsiz ıgerý boıynsha (jalpy somasy 200 mln teńgeden asa) Qoǵamnyń qyzmetine tekserý taǵaıyndaý týraly tapsyrma Almaty qalasynyń prokýratýrasyna joldandy.
Budan bólek, Bas prokýratýra «SK-Farmatsııa» JShS men Dárilik zattar men medıtsınalyq buıymdardy saraptaý ulttyq ortalyǵynyń qyzmetin tekserý bastamasyn kóterdi, — deıdi depýtat.
Aıta ketelik Nurlybek Asylbekov SQ-Farmatsııa basqarma tóraǵasy qyzmetine kelgen edi.