Bas prokýratýra shetelden ekstradıtsııalanǵan tulǵalar týraly aqparat berdi
«Búginde shet memlekettermen qyzmyskerlerdi birlesip ustaý boıynsha 69 kelisim jasalǵan. Sonyń ishinde Italııa, Ispanııa sııaqty Eýropalyq Odaqqa múshe elder de bar. Bıyldyń ózinde ǵana Soltústik Makedonııa, Ońtústik Koreıa, Bolgarııa sııaqty 5 memleketpen kelisim jasaldy. Bul bizdegi qylmystyq-quqyqtyq reformalarǵa halyqaralyq deńgeıde senim bar ekenin kórsetedi. Osy progress bizdiń qyzmetimizde óz jemisin beredi dep oılaımyn. Atalǵan kelisimderdiń arqasynda shetelderden 53 adam ekstradıtsııalandy. Biz 77 sheteldikti ustap berdik. Sońǵy 5 jylda shet elderden Qazaqstan aýmaǵynda qylmys jasaǵany úshin izdeý jarııalanǵan 356 azamat elge qaıtaryldy», - degen Saparbek Nurpeıisov elge qaıtarylǵan qylmyskerlerdiń birnesheýiniń atyn atady.
«Mysaly Ózbekstannan Mehtıev ekstradıtsııalandy. Ol Aqtóbe oblysynda órtengen avtobýstyń 52 jolaýshysynyń ólimine kináli dep izdelgen bolatyn. Reseıden «RBK» bankiniń 172 mlrd teńgesin jymqyrǵan J.Ertaev qaıtaryldy. Germanııa men Ýkraına onyń sybaılastary bolǵan Ibragımov pen Qusaıynovty ustap berdi. Grýzııadan qyzdardy esirtki kýreri retinde paıdalanatyn qylmystyq top qurǵany úshin izdeý jarııalanǵan Salameh atty adam qaıtaryldy», - dedi Bas prokýratýra ókili.
