Bas prokýratýra shekaradan tysqa shyǵarylatyn aqshanyń zańdy ekenin rastaý úshin salyq deklaratsııasyn kórsetý týraly talaptardyń kúshin joıýdy usynyp otyr

dep habarlaıdy QazAqparatBas prokýratýranyń baspasóz qyzmetine silteme jasap.

 Qoldanystaǵy zańnamaǵa sáıkes, jeke tulǵalar ózimen birge on myń AQSh dollarynyń balamasynan asatyn kólemdegi aqsha alyp shyǵatyn kezde atalǵan qujatty kórsetý talap etiledi.

Degenmen, salyq deklaratsııasy aqshanyń shyǵý kóziniń zańdylyǵyn tolyǵymen kórsete almaıdy, onda naqty salyq kezeńindegi alynǵan kiris qana kórsetiledi.

Osynyń nátıjesinde jeke tulǵalar jeke jınaqtary, qaryzǵa alynǵan qarajat pen bankten alynǵan nesıe tárizdi zańdy tásildermen tapqan aqshalaryn shet elge zańdy túrde alyp shyǵý múmkindiginen aırylyp otyr. Osylaısha, tyǵyryqqa tirelgen azamattarǵa aqshany zańǵa qaıshy tásildermen alyp shyǵýǵa tyrysatyn quqyq buzýshylyq jasaýdyń alǵysharttary jasaldy.

Bas prokýratýra memleketten shet elge shyǵý barysynda valıýtany baqylaýdyń álemdik tásiline sáıkes keletin aqshany kedendik deklaratsııalaý jetkilikti dep esepteıdi.

Bas Prokýrordyń atalǵan usynysy elimizdiń Premer-Mınıstri tarapynan qoldaý tapty jáne múddeli memlekettik organdarǵa valıýtalyq retteý týraly zańnamaǵa sáıkes ózgertýler engizý tapsyryldy.