Bas prokýratýra shaǵymdy qaraý sapasyn zerdeleý úshin saýalnama jarııalady

ASTANA. QazAqparat - Qazaqstan Respýblıkasynyń Bas Prokýratýrasy «Tıimdi shaǵymdar qoǵamyna» atty joba aıasynda memlekettik organdardyń shaǵymdardy qaraý sapasyna azamattardyń qanaǵattaný deńgeıin anyqtaý maqsatynda halyqtyń pikirlerin zerdeleýde. Bul týraly qadaǵalaý organynyń baspasóz qyzmeti habarlady.

Osyǵan oraı, birqatar suraqtar ázirlengen. Azamattar atalǵan suraqtarǵa jaýap berý arqyly shaǵymdardy qaraý tetikterin jetildirýge jáne olardy buzylǵan quqyqtardy qalpyna keltirý quraly retinde tıimdiligin arttyrýǵa kómektese alady.

Suraqtar Bas prokýratýranyń resmı saıtynda jáne 115.kz portalynda ornalastyrylǵan.