Bas prokýratýra saılaý ýchaskelerinde baqylaý kameralary nelikten búrkemelengenin túsindirdi

NUR-SULTAN. QazAqparat – QR Bas prokýrorynyń aǵa kómekshisi Azamat Sargazın saılaý ýchaskelerinde beınebaqylaý kameralary nelikten búrkemelengenin túsindirdi, dep habarlaıdy QazAqparat tilshisi.

«Bul daýys berý qupııalyǵyn qamtamasyz etý maqsatynda jasalyp otyr. Sebebi atalǵan vıdeokameralar daýys berý kabınalaryna baǵyttalǵany anyqtaldy», - dedi A. Sarǵazın Ortalyq kommýnıkatsıalar qyzmetinde.

Sonymen qatar tilshiler áleýmettik jelilerde túrli baıqaýshylar keıbir saılaý ýchaskelerinde daýys berýdi baıqaýǵa jaǵdaı jasalmaǵandyǵyn jazǵanyn aıtty. Bul turǵyda oryndyqtardyq jetispeýi, PTR-test talap etýge qatysty pikirler jazylǵan.

«Osy baǵytta saılaý komıssııalarynyń tarapynan zań buzýshylyq bolmady dep aıta alamyz. Bul qadamdar koronavırýs ınfektsııasy pandemııasyna baılanysty bas sanıtar dárigeriniń talaptaryn oryndaý aıasynda iske asyrylyp otyr», - dedi Azamat Sarǵazın.