Bas prokýratýra saılaý barysyndaǵy zańdylyqtyń saqtalýy týraly qorytyndy sholýyn jarııa etti

Joǵary qadaǵalaý organy bolyp tabylatyn prokýratýra organdarynyń qyzmeti elektoraldyq kezeńde barlyq saılaý protsesine qatysýshylardyń zańnama talaptaryn múltiksiz saqtaýlaryn, saılaý naýqany barysynda azamattardyń saılaý quqyǵyn buzý faktileriniń jolyn kesýdi qamtamasyz etýge baǵyttaldy.

«Elektoraldyq kezeńdegi qadaǵalaý qyzmetiniń nátıjeleri Parlament Májilisi men máslıhattardyń depýtattaryn saılaý Qazaqstan Respýblıkasynyń Konstıtýtsııasy men «Qazaqstan Respýblıkasyndaǵy saılaý týraly» Konstıtýtsııalyq zańy talaptarynyń saqtalýymen ótkizilgenin atap kórsetýge múmkindik beredi», - delingen sholýda.

Vedomstvonyń atap ótýinshe, azamattar men saılaý protsesine qatysýshylardyń saılaý quqyqtaryna qatysty aktiler men áreketterge memlekettik organdarǵa jáne de sot tártibinde shaǵym keltirý quqyqtary qamtamasyz etildi. Azamattardyń saılaý quqyqtarynyń eleýli buzylý faktileri anyqtalǵan joq.

Úkimet pen atqarýshy organdar saılaýdy qarjylandyrý, saılaý aldyndaǵy úgitke daıyndyq jáne daýys berý boıynsha saılaý zańnamasynyń talaptaryn oryndaýǵa baǵyttalǵan sharalar qoldandy.