Bas prokýratýra polıtseıler uryp-soqty degen taldyqorǵandyqtyń ótinishi boıynsha qylmystyq is qozǵady

NUR-SULTAN. QazAqparat – QR Bas prokýratýrasy polıtsııa qyzmetkerleriniń A.B. Batyrbaevty uryp-soǵý faktisin tekserip jatyr, dep habarlaıdy QazAqparat.

«Áleýmettik jelilerde polıtsııa qyzmetkerlerimen A.B. Batyrbaevty uryp-soǵý faktisi týraly aqparat taralýda.

Atalǵan tulǵa Taldyqorǵan qalasynda bolǵan tártipsizdikter kezinde quqyq qorǵaý organdary qyzmetkerlerine shabýyl jasaǵany úshin 2022 jylǵy 22 qańtarynda ustalǵanyn habarlaımyz.

23 qańtarynda jaýap alý kezinde, ol 10 qańtarda ishki ister organdarynyń qyzmetkerleri oǵan dene jaraqatyn keltirgeni týraly aıtqan.

A. Batyrbaevtyń bul aryzynyń negizinde Almaty oblysynyń sybaılas jemqorlyqqa qarsy qyzmetimen azaptaý faktisi boıynsha qylmystyq is qozǵalǵan. Qazirgi ýaqytta tergeý amaldary júrgizilýde», - delingen Bas prokýratýranyń habarlamasynda.