Bas prokýratýra: Pedıatrııa ǵylymı ortalyǵy men respýblıkalyq qan ortalyǵynda S gepatıtin juqtyrý kózderi anyqtalǵan joq
ASTANA. 25 naýryz. QazAqparat - Bas prokýratýra pedıatrııa ǵylymı ortalyǵy men respýblıkalyq qan ortalyǵynda leıkemııamen aýratyn balalar arasynda S gepatıtin juqtyrý faktisin anyqtaǵan joq.
Bul týraly Bas prokýratýranyń birinshi departamenti bóliminiń aǵa prokýrory Gúlnáz Ómiráli habarlady.
«Bas prokýratýra Densaýlyq saqtaý mınıstrliginiń mamandarymen birlese otyra pedıatrııa ǵylymı ortalyǵy men respýblıkalyq qan ortalyǵynda tekseris jumystaryn júrgizdi. Bul eki ortalyqta aýrýdy juqtyrý oshaqtary tabylǵan joq. Biraq tekserýlerdiń jalǵasyp jatqanyn jáne bizdiń aımaqtarda tekserýler júzege asyrý arqyly aýrýdy juqtyrý oshaqtaryn anyqtaýǵa tyrysyp jatqanymyzdy atap ótkim keledi», - dedi jýrnalısterge bergen suhbatynda G.Ómiráli.
Qadaǵalaýshy organnyń ókili tekseris nátıjeleri jaıly Bas prokýratýra habarlaıtynyn da aıta ketti.
