Bas prokýratýra pəter tonaýshylardyń əreketin əshkereledi

ASTANA. QazAqparat - 2016 jyly Qazaqstanda 44 myń pəter tonalǵan. Bul týraly búgin Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysynda Bas Prokýratýranyń 2-shi Departamentiniń basshysy Qusaıyn Igembaev məlim etti, dep habarlaıdy QazAqparat.

"Byltyr 44 myńnan asa pəter tonalǵan. Meniń oıymsha, quqyq qorǵaýshylar nazar aýdaratyn birinshi baǵyt osy. Nege? Sebebi, bizdiń halyq úshin qaýipsizdikti seziný turatyn jeriniń qaýipsizdigimen tyǵyz baılanysty. Urylardyń pəter urlaıtyn amalyn aıtyp bereıin",-degen ol pəter tonaýshynyń tipti kórshilerdiń mizen-qulqyn əbden zertteıtinin aıtty.

" Aldymen olar úıdiń balkony men terezesin əbden zertteıdi. Sosyn, beınekameralardy qaraıdy. Kúzetke, tipti kórshilerge de nazar aýdarady. Keıin belgili bir kireberisti anyqtap, sol kireberistegi birneshe pəterdi ańdyp, esigin buzady, terezesinen kiredi. Nemese kilt tańdaıdy. Osyndaı urlyqtardan keıin qaýipsiz ómir súrip jatyrmyz dep aıta almaımyz",-deıdi ol.