Bas prokýratýra ótinishterdiń qaralýyndaǵy ashyqtyqty qamtamasyz etýge baǵyttalǵan «Aıqyn» jobasyn júzege asyrmaqshy
ASTANA. 2 shilde. QazAqparat - Memlekettik organdarda ótinishterdiń qaralý merzimderi, onda qoıylǵan máselelerdiń durys ári tolyq sheshilý jáıtteri alańdatarlyq jaǵdaıda.
Mundaı jaǵdaıdy retke keltirý jáne ótinishterdiń qaralýyn ashyq etý maqsatynda, sondaı-aq ótinishtermen jumys tártibin jetildirý jáne olardyń qaralý úderisteriniń ashyqtyǵyn qamtamasyz etý maqsatynda Bas prokýratýra «Aıqyn» dep atalatyn jańa joba jasap, engizetin bolady.
Atap aıtqanda, prokýratýra málimetine súıensek, aǵymdaǵy jyldyń 1-shi toqsanynda memlekettik organdarǵa berilgen 4 mıllıonnan astam ótinishtiń 1 272-siniń qaralý merizimi buzylǵan. QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti osyǵan oraı «Aıqyn» jobasyn engizýge baılanysty brıfıng ótkizbekshi.
