Bas prokýratýra ókili Ýkraınada tutqynǵa túsken 3 qazaq jigitine qatysty túsinikteme berdi

ASTANA. KAZINFORM – Bas prokýrordyń orynbasary Ǵalymjan Qoıgeldıev Ýkraınada tutqynǵa túsken 3 qazaq jigitine qatysty túsinikteme berdi.

Búgin Senatta BAQ ókilderi odan: «Úsh qazaq balasynyń tutqynǵa túskeni týraly vıdeo tarady, tólqujattary Qazaqstandiki. Olar Qazaqstanǵa ekstradıtsııalana ma álde Reseıdiń tutqyn almasýyn kútemiz be?» - dep suraǵan edi

Bas prokýratýra ókili atalǵan vıdeony kórgenderin, olardyń Ýkraınada ekenin aıtty.

- Bul másele tolyǵymen zertteledi. Vıdeoda ózderi aıtqan maǵlumatqa qaraǵanda olardyń soǵysqa qatysý úshin barǵany anyq. Taǵy qaıtalap aıtamyn, bizde 170-bap, 172-bap bar. Sol baptardyń tóńireginde olardyń isi qaralady, - dedi Ǵalymjan Qoıgeldıev.

Sonymen qatar ol osy jaıtqa baılanysty Ýkraına tarapymen esh baılanysqa shyqpaǵanyn atap ótti.

Aıta keteıik, taıaýda Ýkraına prezıdenti Vladımır Zelenskıı Vıktor Maıkony Ýkraınanyń Qazaqstandaǵy Tótenshe jáne Ókiletti Elshisi qyzmetine taǵaıyndaý týraly jarlyqqa qol qoıdy.