Bas prokýratýra ókilderi jol qaýipsizdigi máselesin talqylamaq
Іs-sharany Bas prokýratýra janyndaǵy Quqyq qorǵaý organdarynyń akademııasy Qazaqstandaǵy Dúnıejúzilik densaýlyq saqtaý uıymynyń qoldaýymen uıymdastyryp otyr. Otyrysqa Bas prokýratýranyń, ishki ister, densaýlyq saqtaý jáne áleýmettik damý mınıstrlikteriniń, kólik uıymdarynyń, ǵylymı ortanyń jáne BAQ ókilderi qatysady.
Forýmda Quqyq qorǵaý organdarynyń akademııasy múddeli memlekettik organdar jáne uıymdarmen birlesip ázirlegen Jol qaýipsizdiginiń ulttyq tujyrymdamasy tanystyrylady.
Ulttyq tujyrymdama otandyq jáne sheteldik tájirıbe, 2011-2020 jyldardaǵy jol qozǵalysy qaýipsizdigin qamtamasyz etý boıynsha is-áreketter Onjyldyǵyn iske asyrýdyń Jahandyq jospary negizinde, sondaı-aq DDU zertteýlerin paıdalana otyryp jasalǵan.
Qazaqstandaǵy jol-kólik oqıǵasynan qaza tapqandardyń deńgeıi Eýropa aýmaǵy elderiniń arasynda eń joǵary jáne Qyrǵyzstan, Reseı Federatsııasy, Tájikstan, Armenııa sııaqty TMD elderiniń sáıkes kórestkishinen joǵary.
Tujyrymdamada zańnamalyq, bilim, tárbıe berý, uıymdastyrýshylyq jáne tehnıkalyq sharalar qarastyrylǵan. Tujyrymdamanyń maqsaty: 2020 jylǵa qaraı jol-kólik oqıǵalarynan bolatyn ólim sanyn 100 myń turǵynǵa shaqqanda 6 adamǵa deıin tómendetý (qazirgi ýaqytta 100 myńǵa 14,9).
Otyrys 21 qarasha kúni saǵat 15.00-de bastalady.