Bas prokýratýra memleketaralyq izdeýde júrgen kúdiktilerge qatysty túsinik berdi

ASTANA. KAZINFORM – Bas prokýrordyń orynbasary Ǵalymjan Qoıgeldıev izdeýde júrgen kúdiktilerge qatysty pikir aıtty.

- Qazir bizde memleketaralyq izdeýde 1,5 myń jýyq adam bar. Olar boıynsha turaqty jumys jalǵasyp jatyr. Interpol jelisi arqyly olardyń turǵylyqty jerin anyqtaǵan boıda, olardy ekstradıtsııalaý is-qımyldary atqarylady. Jalpy, ekstradıtsııa protsesi ońaı emes, ıaǵnı tıisti ýaqyt kerek. Ár elde lımıdter ártúrli retteledi. Aqparat túsken kezde, birden izdeý jarııalaǵan organ tıisti materıaldardy daıarlady, - dedi Ǵalymjan Qoıgeldıev Senatta tilshiler suraǵyna jaýap bere otyryp.

Onyń aıtýynsha, qazirdiń ózinde ekstradıtsııa týraly kelisimshart jasalmaǵan elderden de kúdiktilerdi Qazaqstanǵa jetkizý jumystary iske asyrylyp jatyr.

Budan buryn habarlanǵandaı, búgin Senattyń jalpy otyrysynda «Qazaqstan Respýblıkasy men Kıpr Respýblıkasy arasyndaǵy sottalǵan adamdardy berý týraly kelisimdi ratıfıkatsııalaý týraly» Zań maquldandy.