Bas prokýratýra «Maxabbattyń» úleskerlerine keńes berdi
"Mine, maǵan jańa ǵana xabarlady. Bas prokýratýra janyndaǵy quqyqtyq qyzmet ortalyǵyna "Maxabbat" turǵyn úıiniń úleskerleri keldi. Qazir biz taǵy da olarǵa bárin túsindiretin bolamyz", - dedi Lýkın zań-jobalaý qyzmeti boıynsha vedomstvoaralyq komıssııanyń búgingi otyrysynda.
Aıta keteıik, "Maxabbattyń" úleskerleri "QazEksportAstyq" agrofırmasynan páterlerdi jalǵa alyp, birtindep satyp alýǵa kelisken. Alaıda ol páterler "QazAgroHoldıng" kompanııasyna satylyp ketken. Úsh jyl buryn úleskerler sotqa júgingen edi. Alaıda baspanany jalǵa alǵanyn dáleldeı almady. Sebebi qolda naqty kelisimshart bolmaı shyqty.
"Endi, sol ýaqyttan beri eshteńe ózgermedi. Ózimde eshqandaı jańalyq joq. Sottyń naqty sheshimi bar. Ony sot oryndaýshylaryna tapsyryp qoıǵan. Bizge qatysy joq. Sot sheshimi bolsa, ony oryndaý qajet. Basqa ne aıta alamyz?.. Sot bar ma? Bar. Sot sheshimi bar ma? Ony oryndaý qajet. Alaıda úleskerler ony oryndaǵysy kelmeıdi. Sot sheshimi kúshine endi. Órkenıetti elmiz ǵoı, ony oryndaý kerek", - dedi Lýkın QazAqparat tilshisine bergen suxbatynda.
