Bas prokýratýra M. Áblıazovty ekstradıtsııalaýdan bas tartý týraly málimetti joqqa shyǵardy

«Sońǵy kezde Internet-saıttarda «Strasbýrgtegi Halyqaralyq sottyń Qazaqstan Respýblıkasy Bas prokýratýrasyna bank qarjysyn urlaýǵa qatysty qylmystyq is boıynsha ótetin Muhtar Áblıazovty jáne odan basqa alty adamdy ekstradıtsııalaýdan bas tartýy» týraly aqparattar taratylyp otyr. Bas prokýratýra bul aqparatty resmı túrde joqqa shyǵarady», - delingen vedomstvonyń habarlamasynda.

Strasbýrgtegi adam quqyqtary boıynsha Eýropalyq sotta M.Áblıazovty ekstradıtsııalaýǵa qatysty qandaı da bir ister qaralmaǵan. ıAǵnı, atalǵan sottyń osy máselege qatysty sheshim shyǵarýy múmkin emes.M.Áblıazovtyń sot tóreliginen Ulybrıtanııa aýmaǵynda jasyrynyp júrgeni anyq málim jáne atalǵan memlekettiń quzyretti organdarymen ony ekstradıtsııalaýǵa qatysty sharalar qoldanylmaǵan.

Osyǵan oraı, qazirgi kezde adam quqyqtary boıynsha Eýropalyq sottyń M. Áblıazovtyń ony Qazaqstanǵa ekstradıtsııalaý týraly shaǵymdaryn qaraýǵa quqyqtyq negizderi joq. Demek, Strasbýrgtegi sottyń M.Áblıazov pen onyń árekettesterin Qazaqstanǵa ekstradıtsııalaýdan bas tartýy týraly kez kelgen aqparat jalǵan jáne arandatýshylyq sıpatty bolyp tabylady jáne kópshilikti jańylystyrýǵa baǵyttalǵan.

M.Áblıazovtyń jáne onyń árekettesteriniń ústinen «BTA Bank» AQ-nyń qarjysyn asa iri mólsherde urlaý faktileri boıynsha Qazaqstanda jáne basqa da birqatar memleketterde (Reseı, Ýkraına, Qyrǵyzstan) qylmystyq ister qozǵalyp, tergeý amaldary júrgizilip jatqanyn aıta ketý qajet.

Tergeý amaldary aıaqtalyp, olardyń kinási týraly dáleldemeler jınaqtalǵannan keıin Qazaqstan Respýblıkasynyń Bas prokýratýrasy M.Áblıazov pen onyń árekettesterin Qazaqstanda jáne odan tysqary aýmaqtarda qylmystyq jaýapkershilikke tartýǵa kúsh salady, dep habarlady vedomstvonyń baspasóz qyzmetinen.