Bas prokýratýra əleýmettik jelilerde jalǵan aqparat taratý faktisi boıynsha 12 isti tekserip jatyr
«Aqparattyq keńistiktiń monıtorıngisin Aqparat jəne qoǵamdyq damý mınıstrligi júzege asyratynyna jəne jarııalanymdarda qylmystyq quqyq buzýshylyqtar quramynyń belgileri anyqtalǵan jaǵdaıda olardy tergeýligi boıynsha Іshki ister mınıstrligine jiberetinin atap ótemiz. Osy jylǵy 4 aıda kórsetilgen faktiler boıynsha ishki ister organdary QK-niń 274-baby boıynsha 29 sotqa deıingi tergep-tekserýdi tirkegen. Onyń ishinde bir is sotqa jiberildi, 8-i toqtatyldy (qylmystyq quqyq buzýshylyq quramynyń bolmaýyna baılanysty), 8 qylmystyq is boıynsha sotqa deıingi tergep-tekserý merzimderi úzilgen (qylmystyq quqyq buzýshylyq jasaǵan adamnyń anyqtalmaýyna baılanysty), 12 is tergep, tekserilýde», - dedi Bas prokýror jaýabynda.
Onyń atap ótýinshe, osyndaı quqyq buzýshylyqtardyń aldyn alý aıasynda Bas prokýratýra «Prokýratýra týraly» Qazaqstan Respýblıkasynyń Konstıtýtsııalyq zańnyń 40-baby tərtibimen BAQ-ta bıyl eki ret úndeý jasap, onda ulttyq alaýyzdyqty qozdyrýǵa, separatızmdi nasıhattaýǵa jəne jalǵan habarlamalardy taratýǵa baǵyttalǵan quqyq buzýshylyqtar úshin zańda belgilengen jaýapkershilik týraly eskertken.
«Memleket basshysy Qazaqstan halqyna 2022 jylǵy 16 naýryzdaǵy «Jańa Qazaqstan: Jańarý jəne jańǵyrtý joly» atty Joldaýynda memlekettiń múddesin, qoǵamnyń suranysyn jəne medıa salanyń damý úrdisin eskere otyryp, osy saladaǵy zańnamany qaıta qaraý qajettiligin atap ótti», -dedi Berik Asylov.
