Bas prokýratýra quqyq qorǵaý qyzmetine alǵash ret kiretin adamdardy irikteıdi

ASTANA. KAZINFORM - Qazaqstan Respýblıkasynyń Bas prokýratýrasy quqyq qorǵaý qyzmetine alǵash ret kiretin adamdar úshin alǵashqy kásiptik daıarlyqqa irikteý jarııalaıdy, dep habarlaıdy vdomstvonyń baspasóz qyzmeti.

Іrikteý aýdan/qala prokýratýrasynyń prokýrory (C-RGP-5 sanaty) laýazymdaryna júrgiziledi, olardyń fýnktsıonaldyq mindetterine zańda belgilengen shekte jáne nysandarda Qazaqstan Respýblıkasynyń aýmaǵynda zańdylyqtyń saqtalýyn joǵary qadaǵalaýdy júzege asyrý, sotta memleket múddelerin bildirý jáne memleket atynan qylmystyq qýdalaýdy júzege asyrý kiredi.

Eń tómengi jalaqy – 164 052 teńge.

Іrikteýge qatysý úshin qujattardy qabyldaýdy prokýratýra organdarynyń aýmaqtyq bólimsheleri (baılanys telefondary men mekenjaılary tómende kórsetilgen) 2024 jylǵy 7 aqpannan 7 naýryzǵa deıin júrgizedi.

Alǵashqy kásiptik daıarlyqqa irikteýge qatysý úshin úmitkerler:

1) memlekettik qyzmet isteri jónindegi ýákiletti organda (quqyq qorǵaý qyzmetiniń laýazymdaryna arnalǵan tıisti baǵdarlama boıynsha) testileýden, onyń ishinde jeke qasıetterin baǵalaýdan ótý;

2) quqyq qorǵaý organdarynyń aýmaqtyq bólimshelerine (túsý úshin josparlanǵan organǵa) mynadaı qujattardy berý:

- belgilengen úlgidegi ótinish;

- Qazaqstan Respýblıkasy azamatynyń jeke basyn kýálandyratyn qujattyń kóshirmesi;

- bilimi týraly qujattardyń kóshirmeleri, sondaı-aq Qazaqstan Respýblıkasynyń «Bilim týraly» Zańyna sáıkes nostrıfıkatsııalaý nemese taný rásiminen ótkenin rastaıtyn qujattar (sheteldik bilim berý mekemeleri bergen dıplomdar úshin, salystyrý úshin túpnusqalary);

- jaqyn týystaryn, onyń ishinde belgilengen nysan boıynsha burynǵy jubaılaryn kórsete otyryp, óz qolymen jazylǵan tolyq toltyrylǵan ómirbaıan;

- kez-kelgen aımaqta qyzmet etýge kelisim berý týraly ótinish;

- áskerı bılet nemese tirkeý kýáligin tapsyrýy qajet.

Qujattardyń tolyq emes tizbesin, sondaı-aq belgilengen merzimdi buza otyryp usyný irikteýge qatystyrmaý úshin negiz bolyp tabylady.