Bas prokýratýra kúdikke ilingen Olesıa Kekselge qatysty túsinik berdi

ASTANA. KAZINFORM — QR Bas prokýrorynyń orynbasary Ǵalymjan Qoıgeldıev Bas prokýratýranyń Arnaıy prokýrorlar qyzmetiniń burynǵy basshysy Olesıa Kekselge qatysty iske túsinik berdi.

- Olesıa Kekselge qatysty sotqa deıingi tergeý bastaldy. Bul rette, adam azaptaýǵa qatysy derek tekserilip jatyr. Jaqynda sot sanktsııasymen oǵan eki aıǵa úıqamaqta ustaý sheshimi shyǵaryldy, - dedi Ǵ. Qoıgeldıev Senattyń jalpy otyrysynan keıin tilshiler suraǵyna jaýap bere otyryp.

Aıta keteıik, bıyl shilde aıynda Sybaılas jemqorlyqqa qarsy is-qımyl ulttyq bıýrosy Tergeý departamenti basshysynyń burynǵy orynbasary Olesıa Keksel adam azaptaýǵa qatysy bar degen kúdikke ilindi.

Eske sala keteıik, 2019 jyly Bas prokýratýraǵa bir azamat ony tergeýshiler ózine qarsy kýálik berýge májbúrlegenin aıtyp, shaǵym túsirgen bolatyn. Bul shaǵymda sol kezdegi Arnaıy prokýrorlar qyzmetiniń burynǵy basshysy Olesıa Kekseldiń de aty atalǵan.

 

Alaıda sol kezde ІІM bul iste qylmystyq quram joq dep, tergeýdi toqtatqan edi.