Bas prokýratýra kúdiktini Chernogorııadan ekstradıtsııalady

ASTANA. QazAqparat - Búgin Bas prokýratýra jáne Qazaqstannyń ІІM Interpolynyń qyzmetkerleri Chernogorııadan qylmystyq jaýaptylyqqa tartý úshin Aleksandr Lıasotany ekstradıtsııalady, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

«QR Bas prokýratýranyń Soltústik Qazaqstan oblysy ІІD izdestirip júrgen adamyn berý týraly tıisti suraýyn Chernogorııanyń Ádilet mınıstrligi qanaǵattandyrdy. Ustalǵan adamǵa 2016 jyly Petropavl qalasynda azamattarǵa qatysty kúsh qoldana otyryp, qoǵamdyq tártipti birneshe ret buzdy degen kúdik keltirilgen», delingen habarlamada.

Bas prokýratýranyń málimetinshe, qylmys jasaǵan Lıasota qylmystyq qýdalaý organyndarynan qashyp júrgendikten halyqaralyq izdestirý jarııalanǵan.

Byltyr tamyz aıynda Lıasotany Tıvat qalasyndaǵy áýejaıda Chernogorııa Interpolynyń qyzmetkerleri ustaǵan.

Qazirgi ýaqytta ol Astana qalasynyń tergeý ızolıatoryna ornalastyryldy.